Popular Bible Verses from Esaya 35

Share

Loko HOSI Xikwembu xi va kutsurile, va ta vuya; va ta kongoma emutini wa Siyoni va ri karhi va ba minkulungwana; ntsako lowu nga heriki wu ta va khubumeta, va ta tshama va ri karhi va hlekelela va tsakile, maxangu ni ku konya swi ta nyamalala.

Lava va nga ha kotiki ku tirha nchumu, va nyikeni matimba, tiyisani ni lava va nga ha laviki ku famba-famba. Khongotelani lava nga ku kanakaneni, mi ku: “Tiyani, mi nga chavi! Vonani, Xikwembu xa n'wina xi ta ta xi ta mi rihisela eka valala va n'wina, xi ta mi lwela, xi mi ponisa!”

Etikweni ku ta va na gondzo lerikulu, leri nga ta thyiwa Gondzo-ro-Hlawuleka; vanhu lava nga tengangiki va nga ka va nga fambi ha rona, ri ta va ra lavo tenga ntsena, la fambaka ha rona, hambi a nga tivi ndlela, a nga ka a nga lahleki.

Enkarhini wolowo, mahlo ya lava nga voniki ma ta pfuleka, ni lava nga twiki va ta pfuleka tindleve

swilema swi ta tlula-tlula ku fana ni timbavala, timbheveve ti ta ba minkulungwana ya ntsako, emananga ku ta baleka mati, ni le makwandzasini ku ta khuluka milambu