Popular Bible Verses from Ezekiele 4

Share

“Endzhaku ka sweswo, u fanele ku etlela hi rivambu ra wena ra ximatsi, u tirhwexa nandzu wa swidyoho swa Vaisraele; u ta rhwala nandzu lowu ku ringana masiku lawa u nga ta va u etlele hi rivambu. Mina ndzi ku vekela masiku ya 390, lama ringanaka ni malembe lawa Vaisraele va dyoheke ha wona; masiku lawa hinkwawo u ta byarha nandzu wa ku dyoha ka vona.

Loko nkarhi lowu wu ta va wu herile, u ta hundzuluka u etlela hi rivambu ra xinene, u byarha nandzu wa swidyoho swa va ka Yuda. Ndzi ku vekela masiku ya 40, siku rin'wana ni rin'wana ra kona ri yimela lembe rin'we.

“Kutani u ta nusa koroni ni maxalana ni tindluwa ni timbaweni ni mphoho ni n'wahuva, u swi chela exibyeni xin'we u endla swakudya ha swona. Emasikwini ya 390 lawa u nga ta va u etlele hi rivambu, u ta hamba u dya swona.