Popular Bible Verses from Mudyondzisi 1

Share

hikuva ku andzisa vutlhari i ku andzisa maxangu, la tiengetelelaka vutivi, u tiengetelela mahlomulo.

Leswi a swi ri kona, swa ha to tlhela swi va kona; leswi nga tshama swi endliwa, swa ha to endliwa nakambe. La misaveni, a ku na swintshwa!

Swilo hinkwaswo swa phirha, ku phirha ka kona a ku hlamuseleki; tihlo ra vona, kambe a ri kolwi, ndleve ya twa, kambe a yi xurhi.

Mudyondzisi ú ri: “A swi pfuni nchumu, ndzi ri, a swi pfuni nchumu, ku hava lexi pfunaka!” Loko ri xile, munhu ú tirha a tshwomoka, kambe ú vuyeriwa ha yini ke?

Ndzi swi vonile hinkwaswo leswi vanhu va swi endlaka: Ndza mi byela, ku hava lexi pfunaka, vo hlongorisa moya ntsena.

Van'wana va lova, van'wana va velekiwa, misava yona yo tshamisa sweswi hilaha ku nga heriki.

Leswi hundzeke, a swa ha tsundzukiwi hi munhu, ni leswi hi nga ta swi endla, vana va hina va ta swi rivala.

Kutani, hi ku tirhisa miehleketo ya mina, ndzi kambisisile ku hambana exikarhi ka vutlhari na rihuhe kumbe vuphunta, ndzi ya kuma leswaku sweswo na swona i ku hlongorisa moya