Popular Bible Verses from I Samiele 16

Share

Kambe HOSI Xikwembu xi ku ka yena: “U nga languti ku saseka ka yena kumbe ku leha ka xiyimo xa yena, hikuva a ndzi n'wi hlawulanga. Mina HOSI, a ndzi yi hi leswi vanhu va vonaka swona; vanhu va languta nghohe, kambe mina HOSI ndzi languta mbilu.”

Kavaloko Samiele a teka rimhondzo ra mafurha, a chela Davhida enhlokweni exikarhi ka vamakwavo. Kutani Moya wa HOSI Xikwembu wu nghena Davhida hi matimba, wu va na yena ku sukela siku rero ku ya ni ku ya. Samiele yena a tlhelela eRhama.

Kutani Samiele a vutisa Yese, a ku: “Xana vana va wena va majaha, va helele hinkwavo xana?” Yese a hlamula a ku: “Ka ha sele lontsongo wa kona, kambe ú le ku riseni ka tinyimpfu.” Samiele a ku ka Yese: “Rhuma vanhu va ya n'wi vitana, hikuva hi nga ka hi nga humesi gandzelo loko a nga si fika.”