Popular Bible Verses from I Tihosi 3

Share

Hikokwalaho, mina nandza wa wena, ndzi kombela vutlhari ni ku twisisa, ndzi ta kota ku fambisa tiko leri ra wena hi ku hlawula leswinene eka leswo biha, hikuva tiko leri ra wena ra tika, ri nga fambisiwa hi mani xana?”

yingisa: Ndzi ta endla leswi u swi kombelaka. Ndzi ta ku nyika vutlhari ni ku twisisa, leswaku u ta kota ku hlawula, u tlula hi vutlhari vanhu hinkwavo lava hanyeke u nga si va kona, ni lava nga ta velekiwa endzhaku ka wena.

Kutani xi ku ka yena: “Leswi u tikombeleleke vutlhari ni ku twisisa leswaku u ta kota ku hlawula leswinene, ni leswi u nga tikombelelangiki ku hanya masiku yo tala, kumbe ku fuwa ngopfu, kumbe ku vona ku fa ka valala va wena

Tlhandlakambirhi, na leswi u nga swi kombelangiki, ku fana ni ku fuwa ngopfu, kumbe ku xiximiwa ngopfu, ndzi ta ku nyika swona. Hikokwalaho, a ku nga vi na hosi yin'wana leyi nga ta fana na wena, evutomini bya wena hinkwabyo.

Kutani loko u famba hi tindlela ta mina, u ri karhi u hlayisa swiletelo swa mina ni milawu ya mina ku fana ni tata wa wena Davhida, ndzi ta engetela masiku ya ku hanya ka wena.”

Kutani le Gibiyoni, HOSI Xikwembu xi tikomba eka Solomoni hi norho nivusiku. Xikwembu xi ku ka yena: “Kombela lexi u xi lavaka, kutani ndzi ta ku nyika xona!”

Kutani we HOSI Xikwembu xanga, u vekile mina nandza wa wena ku va hosi exitshan'wini xa tatana Davhida. Kambe ndza ha ri lontsongo ngopfu, mafambisele ya tiko a ndzi ma tivi.

Xikombelo lexi xa Solomoni xi tsakisa ngopfu HOSI Xikwembu.

Solomoni a hlamula a ku: “U kombisile rirhandzu lerikulu eka tata wa mina Davhida nandza wa wena, hikuva tatana ú hanyile emahlweni ka wena hi ndlela yo tshembeka ni yo lulama, ni mbilu yo tenga. Kutani rirhandzu lerikulu leri, a ri welanga ehansi leswi u n'wi nyikeke n'wana, a nga mina loyi namuntlha ndzi tekaka vuhosi bya tatana.

Mina nandza wa wena, ndzi le xikarhi ka tiko ra wena leri u ri hlawuleke; ntsengo wa rona i ntsandza-vahlayi, hikuva va tele ngopfu.