Popular Bible Verses from I Tihosi 19

Share

Endzhaku ka ku tsekatseka ka misava, ku pfurha ndzilo, kambe HOSI Xikwembu a xi nga ri kona endzilweni. Endzhaku ka ndzilo, ku twala mpfumawulo wa xiritwana lexo nandziha.

Kambe yena a hundzela emahlweni, mpfhuka wa siku rin'we emananga, kutani a ya tshama ehansi ka ximudyana, a kombela ku fa, a ku: “Sweswi swi ringene, we HOSI. Herisa vutomi bya mina, hikuva a ndzi tluli vakokwa wa mina hi vunene.”

Kutani HOSI Xikwembu xi ku: “Huma u ya yima enhlohlorhini ya ntshava, emahlweni ka mina HOSI, hikuva ndzi le kusuhi ni ku hundza.” Kavaloko xidzedze lexikulu xa matimba xi ba tintshava ti pandzeka, xi hirimuxa ni maribye, xi rhangele HOSI Xikwembu. Kambe xona a xi nga ri kona eka xidzedze. Endzhaku ka xidzedze, misava yi tsekatseka, kambe HOSI Xikwembu a xi nga ri kona eku tsekatsekeni loku.

Loko Eliya a twa xiritwana lexi, a tifunengeta nghohe hi xiambalo xa yena xa vuprofeta, a ya yima enon'weni wa bako. Hi nomu lo, rito ri ta eka yena, ri n'wi vutisa ri ku: “Xana u endla yini kwala, we Eliya?”

Loko a fikile eHorebe, a nghena ebakweni, a etlela kona, kutani hi nomu lo, rito ra HOSI Xikwembu ri ta eka yena, ri n'wi vutisa ri ku: “Xana u endla yini kwala, we Eliya?”

Hiloko a pfuka, a dya ni ku nwa; kutani swakudya leswi swi n'wi nyika matimba yo famba masiku ya 40 ni vusiku bya kona, ku kondza a fika eHorebe, entshaveni ya Xikwembu.

Kutani a etlela ehansi ka ximudyana a khomiwa hi vurhongo. Hi nomu lo, ku humelela ntsumi, yi n'wi hlakahla, yi ku ka yena: “Pfuka u dya.”

Ntsumi ya HOSI Xikwembu yi engeta yi ta eka yena yi n'wi hlakahla yi ku: “Pfuka u dya, hikuva riendzo ra wena ra ha lehile ku tlula matimba ya wena.”

Eliya a hlamula a ku: “We HOSI, Xikwembu xa matimba hinkwawo, ndzi lava ku tirhela wena ntsena, kambe Vaisraele vona va tshikile ntwanano exikarhi ka wena na vona, va hirimuxile tialitari ta wena, naswona va dlayeterile vaprofeta va wena. Ku lo sala mina ntsena, kutani na mina va lava ku ndzi dlaya.”

Kavaloko Eliya a sisimuka, a languta, kutani a vona, etinhlokweni ta yena, ximbhundzwa lexi oxiweke emaribyeni layo hisa ni xikhuwana xa mati. Kwalaho a dya a nwa, a tlhela a etlela.

Hiloko Yezabele a rhumela munhu eka Eliya, a ri ni rito leri nge: “Ndza tiyisa hi ku hlambanya hi swikwembu leswaku mundzuku, hi nkarhi lowu, hakunene ndzi ta herisa vutomi bya wena, ku fana ni leswi u heriseke vutomi bya lavaya.”

Hambiswiritano ndzi ta siya vanhu va 7 000 etikweni ra Israele, va nga hinkwavo lava nga nkhinsamelangiki Baali, hinkwavo lava nga ntswontswangiki xifaniso xa yena.”

Hiloko Eliya a suka lomu a a ri kona, a ya fika eka Elixa n'wana Xafati, a n'wi kuma a ri karhi a rimeriwa nsimu hi swipano swa 12, xa yena xipano xi ri xa vu-12. Loko Eliya a hundza kwalaho, a teka xiambalo xa yena xa vuprofeta, a kapeka Elixa ha xona.

Loko Elixa a nga si landza Eliya, a rhanga hi ku ya teka xipano xa yena, a dlaya tihavi ta kona a tshivela ndzilo hi majoko, a sweka nyama ya tona, kutani a phamela vanhu va dya. Kavaloko a suka, a landza Eliya, a va mudyondzisiwa wa yena.

Kutani Elixa a tshika xipano, a landza Eliya hi ku tsutsuma, a ku ka yena: “Ndzi pfumelele ndzi ya lelana na tatana kun'we na manana, kutani ndzi ta ku landza.” Eliya a ku ka yena: “Hiswona, famba. A ndzi ku siveli.”