Popular Bible Verses from I Tikronika 16

Share

Lavani HOSI ni matimba ya yona, minkarhi hinkwayo, tsakelani vukona bya yona.

Tlangelani HOSI, hikuva yi ni vunene, rirhandzu ra yona hi leri nga heriki.

Tlangelani HOSI, mi khongela yona, byelani matiko leswi yi swi endleke.

Vito ra yona lero hlawuleka, ri dzuniseni; n'wina mi tsakelaka HOSI, tsakani hi mbilu hinkwayo.

Anakanyani mintirho ya yona leyo hlamarisa, ni hilaha ku lerisa ka yona ku mi lamuleleke hakona.

Yimbelelani risimu mi dzunisa yona, twarisani mintirho ya yona hinkwayo leyo hlamarisa.

HOSI Xikwembu i xikulu, xi dzuneka ngopfu, xi fanele ku chaviwa ku tlula swikwembu swin'wana hinkwaswo.

Xi twariseni mi dzunisa vito ra xona, tanani emahlweni ka xona mi ri ni swa magandzelo. Korhamani emahlweni ka xona loko xi humelela eku kwetsimeni ka xona.

Ku dzuneka ni vukulukumba swi le ka xona, laha xi nga kona, ku ni ntamu ni ku tsaka.

Yimbelelani mi dzunisa HOSI Xikwembu, n'wina vanhu va misava hinkwayo siku rin'wana ni rin'wana, vulani leswaku Xikwembu i muponisi.

Hlayelani vanhu hinkwavo ku dzuneka ka HOSI, matiko hinkwawo a ma tivisiwe mintirho ya yona leyo hlamarisa.

xi ku: “Mi nga tshuki mi khumba vahlawuriwa va mina, vaprofeta va mina, mi nga tshuki mi va karhata!”

Swikwembu hinkwaswo swa vamatiko swo va swifaniso ntsena, kasi HOSI Xikwembu hi xona xi tumbuluxeke matilo.

Minkarhi hinkwayo xi hlayisa ntwanano wa xona, A xi rivali marito lawa xi ma vuleke, lama nga ta tirha malembe ya madzana-dzana.

Matilo a ma tsake, misava a yi be nkulungwana, a ku vuriwe ematikweni leswaku HOSI Xikwembu xa fuma.

A ku nkhensiwe HOSI Xikwembu xa Israele, sweswi ni hilaha ku nga heriki!” Kutani Vaisraele hinkwavo va hlamula va ku: “Amen, a ku dzunisiwe HOSI!”

N'wina vamatiko, dzunisani HOSI Xikwembu, tlangelani matimba ya xona.