Popular Bible Verses from Sam keil 51

Share

Ahi kum kes moulien onak eli hemai hetolas, kisan rendemien hau minau koa housil katuk lisenges.

Kisan risi minau sien koa nakuri mulamu navong komutut nau, ka kumonau li ek hehati malong katuk en tounah vasi.

Konasila lattei nau nanaha ranuk, konakulattei ninin onom koa vi votut naha ranau li.

Sanien votut onak koa nisani minuk, Ahi, hehi rendemien tai koa merau. Keik kosakras kovasesein meatin koa tin mah ven tisaen keil onen ka koa viles moulien onen ran keil.

Ahi, em hemahis nau li, veni envatien mul enuk lises. Ven more enmahisien onom mariso, sahul lin tisaen keil onak. Kas lin sakkalkalien keil onak eli, ka kumonau nitolas ran tisaen keil onak.

Kisahul lin tisaen onak keke nitolas, kikas motein moulien onak eli hemai hoh vis hoh imok.

Tisaen koa namumoni, namumoni va katuk enges, Ahi; sakien onak eli romaltei en metom. Sakini mal keke kolei revi sakien keil onak, keik komal keke kosan mahien minau.