Popular Bible Verses from Sam keil 139

Share

Navong namundem usil sise koa keik komum revi inau ka ien, namutimanin ka navati lat isom. Nakilea revi keke tounah vasi keil koa komumoni tahos vis tahos imok.

O Ahi, kilei kirisil en moulien onak, kisak vis inau ka kilea rendemien keil onak. Munak kovotini keke namul namusil sise ten tisaen, kilamun inau en more sise onom koa mul lisenges.

Vi keik, Ahi, koa komum vasin avek. Navong namul semau en vangen mama onak, keik komumon inau.

Navong avek rovus revitei veah, komul koles inau tuai. Avong keil vasi koa koling kati venau, keik komutis lat keil tuai mul en tus onom mulamu en avong koa avasi inau eni.

O Iahova, keik kolei kirisil en asa koa mul en tinok ka kokilea revi inau.

?Munak nihit malohosai ran Ninin onom, nakilea maha en out kave? ?Out kave niha ien koa keik kormultei ien? Out tovuol.

Kokilea inau navong narondan ka navong namea. Kokilea vasin rendemien keil onak, avaseini koro soutin.

Navong narselustei veah, keik, Iahova, kokilea selusien vasi keil onak tuai.

Kokilea inau navong namual ka navong namuseh. Kokilea revi sakien keil onak.