Popular Bible Verses from Matiu 19

Share

Iesu lei rahit en keil ka vit, “!Keinek! Meatin sakras voumoni, ka Ahi enges kilea voumon tounah vasi.”

Sakini keilu lurovitei mun elu, ka lumai lutas. Sakini asa koa Ahi kap vituaini, meatin enges noumontei natasil.”

Ka Iesu vit kesi min keil vit, “?Mukave, kami mirvulitei Tus Votut onen Ahi? Veni mul viteni keke mulamu, navong Ahi mumon tounah en out netan, kei ‘mumon meatin, tai mumoni vi meahos ka tamun mumoni vi ahin.’ Ka viteni mun vit, ‘Ven koanek, meahos hemea ran tata ka mama onen, ka heapil hetal min ahin onen, ka keilu luhetas.’

Ka Iesu selus min keil vit, “Almaen titiali keil avamai venau ka minating koetei keil, veni Ahi vi asuv houlu onen vati meatin keil koa amukonek.”

Ka houlu koa avi hetetamen kosa, imai ihi heisav enges, ka houlu koa avi meatin heisav kosa, imai suk ihi hetetamen keil.”

Ka meatin vasi koa alokovein teim se, vuo tue keil, vuo ahine keil, vuo tata, vuo mama, vuo titiali, vuo ah se keil venau, Ahi hesan ris uite teni hehi houlu vis hehi houlu mok hehi handred tai (100) helin asa koa alokoveini. Ka katau en tounah keil enek, keil ikur moulien ten lisenges emun.

Iesu viteni mini vit, “Munak keik em vati kovamal vasi, kiha kisalem en tounah vasi onom ka kisan mani teni min koakeil tounah one tovuol. Ka munak kumoni hemukonek, tounah onom hehi houlu en out nesa. Hevus, kimai ris ka kusil nau.”

Iesu vit kesi vit, “?Kovis nau usil asa koa tahos vensa? Ahi enges, kei sasen tahos. Ka munak em vati kovakur moulien ten lisenges, kilong kat mengkatien keil onen.”

?Mimundemi keke mari kamel tai kilea vakirisil en meten nidil tai koa havivi vis havivi mok? !Vuo, sakras! Ka meatin koa tounah onen houlu hekeih imok helin koanek keke vamaen Ahi vahi asuv houlu onen.”

Ka naviteni min kami keke meatin koa lokovein ahin onen, koa romatiltei vatal min meatin sav tai, ka meatin enek kur ahin sav, en meten Ahi, meatin enek mul mum tisa ral mini.”

Evus, Iesu viteni min meatin keil onen|Meatin keil onen Iesu vit, “Anatin eli naviteni min kami, hekeih vareis min meatin koa tounah onen houlu keke vamaen Ahi vahi asuv houlu onen.