1
1 Sion 2:15-16
Tus Votut en selusien ten out Voum
pma
Veni koanik anatin, envatien onami naltei en tounah keil ten out netan. Munak meatin tai en vat tisaen keil ten out netan vuo en sakien keil teni, envatien onen Ahi Tamer romultei en tin veni tounah keil ten out netan rokatei ven Ahi Tamer. Tounah keil ten out netan amukok: sakien koa meatin vit hekur tounah vasi koa en vati; sakien koa en vati hekur tounah vasi koa leh meten; ka sakien tahasien ven tounah koa kuri.
Compare
Explore 1 Sion 2:15-16
2
1 Sion 2:17
Out netan ka tounah vasi koa meatin keil teni e vati mul vuol; ka koakeil amusil kat rendemien onen Ahi asakras avavuol, keil imoul lisenges.
Explore 1 Sion 2:17
3
1 Sion 2:6
munak roviteni rovit rokapil ral min Ahi, rehoumoni mok keke ualien orer hesuval ualien onen Iesu Kristo.
Explore 1 Sion 2:6
4
1 Sion 2:1
Onak eli keil, namul namutis selusien koanik va min kami keke mehermumontei tisaen. Ka munak meatin tai mumon tisaen, meatin tai mul vesesal ven Ahi Tamer koa kilea vaselus vatal mini en usite orer, kei vi Iesu Kristo koa mal revi.
Explore 1 Sion 2:1
5
1 Sion 2:4
Ka munak meatin tai mul viteni vit kei kilea en Ahi, ka kei rolong kattei mengkatien keil onen, kei vi uti luvosien ka anatinien tovuol ien.
Explore 1 Sion 2:4
6
1 Sion 2:3
?Ir rehelei kilea keke rokilea revi en Ahi hemukave? Navong rolong kat mengkatien keil onen, rokilea keke rovailea kei.
Explore 1 Sion 2:3
7
1 Sion 2:9
Ka munak meatin tai mul viteni vit, “Inau naro en meneai onen Ahi,” ka en hati avong koanik tin kat tunali keil, kei mules veah en mankoli ten tisaen.
Explore 1 Sion 2:9
8
1 Sion 2:22
?Isei mul liluvos? Koakeil avit Iesu rovitei Mesaea anatin onen Ahi, keil amul aliluvos. Meatin keil enek avi vativieh en Kristo veni arkurtei anatin keke Iesu vi Natin Ahi ka Ahi vi Tamen.
Explore 1 Sion 2:22
9
1 Sion 2:23
Anatin, veni koakeil asesein Natin Ahi, asesein Tamen. Ka koakeil akur anatin en Natin Ahi, akur anatin en Tamen emun.
Explore 1 Sion 2:23