Popular Bible Verses from Rom Teeb 8

Share

Binba ki Yennu yiimm na, ki u mɔk linba paak ki u yimme, ki bi mɔk loomm nanɔ, ki ti mi nan linba kur tuun, u te ki li teen bonŋann ki teen ŋamme.

N mi fanu nan siar kaa ki sa fit bɔkit timm nan Masia loomm ni; kuun amii manfoor amii malakanba amii kpanbara amii yentdamm amii linba tee mɔtana amii linba tan sa teen amii linba be sanpaapo amii tinpɔɔr ni amii; siar kaa naauŋ kur ni ki sa fit bɔkit timm nan Yennu loomm ni, loomm nba nyii ti Yomdaanɔ Yisa Masia ni na.

Nnee mun ki Yennu Seyeeŋ na baar a wun sommit ti bakint ni, kimaan ti ki mi biaŋinba ki ti sii mei Yennu. Ŋɔɔ Yennu Seyeeŋ mɔŋe mei Yennu ki teent ki te ki ti kurii ki mei ti para ni ki ti mɔbona kan fit pak li paaki.

Ti-i kpaa ti ninbina ki got linba na kur paak, ti sa yet a nlee? Li-i tee ki Yennu be ti po, ŋmee ji be ki sa biiriti?

Tɔn, mɔtana Yennu kan bu ki biir binba be Yisa Masia ni

Fi-i jii a yan ki gaan nan nisaarik loomm, li tee kuume, ŋaan fi-i jii a yan ki gaan nan Yennu Seyeeŋ loomm na, li tee manfoore nan parmaasir.

Ŋaan nan linba na kur li tee yanne, kimaan ti la nyannu kura Yisa Masia wunba loont na paak.

N mi nan fara nba ki ti di mɔtana na, li kan fit yekin nan parpeenn nba ki ti tan sa la Yendɔuŋ ni na.

Ŋmee sa fit nyinnit Yisa Masia loomm ni? Ti fara amii maan amii sukit amii kon amii namu amii parbiir amii kuume? Aaii.

Ki Yennu nba laat nisaarik par ni mi Seyeeŋ na dudukit nba tee, kimaan Seyeeŋ na mei Yennu u niib paak, ki li waa nan ŋɔɔ Yennu nba loon biaŋinba na.

Binba ki Yennu Seyeeŋ ŋmakitirib sɔnu na, ŋamme tee Yennu waas.

Binba binbeŋ waa nisaarik loomm na jiit bi dudukit ki tee nisaarik loomm nie, ŋaan binba binbeŋ waa Yennu Seyeeŋ na mun jiit bi dudukite ki tee Seyeeŋ na loomm ni.

Yennu ki minnit u mɔŋ Bija na, ŋaan jiiu ki turit; ŋɔɔ Yennu turit u Bija maŋ, ki nlee ki u ji kan turit linba kur biari?

Yennu Seyeeŋ maŋe te ki ti mɔŋ sei mi bonŋann nan ti tee Yennu waas. Ta set tee u waas na paak, ti sa la u bonŋann nba ki u bir ki guun u niib nawa; ti bia sa lakin nan Masia ki gaarira. Kimaan ti-i di fara Masia paak, u tan sa donnit u peŋa.

Fi-i jii a yan ki gaan nisaarik loomm ni, a tee Yennu dataake, ki ki saak Yennu sennu, ki set kan fit ki sakiri.

Dunia bona kur nba ki Yennu nann na guu nan ninmɔnne nan yoo nba ki Yennu tan sa nyinn u waas yeenin ni

Ti mi nan li yiar dunia bona maŋ ki tan tuu mɔtana kaman nan poo nba tuu mɔ matyiaru ki kurii biaŋinba na.