Popular Bible Verses from Rom Teeb 4

Share

U mantik din teen Yennu yada, u din ki mɔk birsuk nan Yennu mɔsonn na, u yadae din te ki u mɔk paŋ bonchiann, ki u din piak Yennu. U mantik din teen Yennu yada ki ki birisi, ki mi nan Yennu nba senn biaŋinba, u set sa fit tuma.

kaman nan la sɔb Yennu gbouŋ ni ki u yet Abraham a “N teena nibooru bonchiann baae.” Li paak, Yennu boor Abraham tee ti baae, Yennu wunba ki Abraham teenɔ yada na, ŋɔɔe te ki kpeemm laat manfoa, ki bia piak linba daa ki be po kaman nan li set be.

Ŋɔɔe din jii Yisa ki chab ki u kpo ti toonbiit paak, ŋaan bia fiinɔ kuun ni, a wun te ki tii tee niŋamm u tɔɔnn.

Siar din ki want dindann ŋaan Abraham lek ji din mɔk dindann nan Yennu sa turɔ bika, ki bia teen yada, ki u yada teenu paak ki u din teen nibooru bonchiann baa kaman nan Yennu nba yetɔ a “A yaaboona tan sa pɔt bonchiann.”

Yennu mɔsonn na tee binba teenɔ yada na yare; u ninbatinu paak, ki u senn mɔsonn maŋ ki li set tee Abraham yaaboona kur yar, li ki tee a binba waa sennu na kuukɔɔ yar kaa, ŋaan binba kur teen Yennu yada kaman nan Abraham nba din teen biaŋinba, kimaan ŋɔɔ Abrahame tee ti kura baa

David din yet a “Damm nba ki Yennu nyik bi biit ki chabib ki kpeen bi biit na, bi mɔk parpeenn; Damm nba ki Yennu ki tian bi toonbiit po, bi mɔk parpeenn.”

Li sɔb Yennu gbouŋ ni a “Abraham din teen Yennu yadae, ki u yada maŋ paake ki Yennu jiiu ki u tee niŋanɔ u tɔɔnn.”