Popular Bible Verses from Rom Teeb 14

Kimaan Yennu naan labaar ki tee jeetdinu amii nyunu labaar kaa, ŋaan li tee popeenn nan parmaasir nan parpeenn yar nba ki Yennu Seyeeŋ turite. Wunba waa Masia nna, Yennu sii mɔk parpeenn nan li daanɔ, ki niib bia sii teeu nibaakir.

Ti-i fo, ti Yomdaanɔ paake te ki ti fo; ki ti-i kpo, u loomm paake te ki ti kpo. Li paak, ta fo amii ta kpo, ti tee ti Yomdaanɔ yabe.

Li paak, ŋaant man ki tin yabir ki tun linba baat nan parmaasir, nan linba sa somm ti leeb.

Li paak, ti daa biir leeb sana, ŋaan kii mi i mɔŋ par ni nan i kan te ki i naa bik-n tun toonbiit ki baa.

Li sɔb Yennu gbouŋ ni a ti Yomdaanɔ Yennu yet a “Ma set be na, booru kur sa gbaan n tɔɔnn, ki sɔɔ kur sa yet a n set tee Yennu.” Li paak, sɔɔ kur tan sa fiit u mɔŋ ki tur Yennu.

Gaat man yadakanpɔɔna damm na, ŋaan daa nɔi namm mɔniɔk bi yada ni.

Ki a tee ŋmee ki sa biir sɔɔ toontunnɔ? Li tee u mɔŋ Yudaanɔ nee sa yet wa dii nan wa baa, ki u set sa diwa kimaan ti Yomdaanɔ mɔk paŋ nba sa te ki wun di.