Popular Bible Verses from Zabbu̱li̱ 91

Share

Ndiweera MUKAMA yati, “Oli b̯wi̱ru̱ki̱ro kandi lugo lwange, Ruhanga wange ginyeesiga.”

Yogwo yensei̱ eicalira mu nnyu̱mba gya Waahakyendi̱ Hoi̱, alihumulira mu mu̱tu̱ntu̱lu̱ gwa Ruhanga wa b̯u̱sobozi̱.

Waalinzeta, ndi̱mwi̱ramwo, b̯walibba mu b̯ujune, ndibba nayo, ndimucungura, mutemwo ki̱ti̱i̱ni̱sa.

Kubba akwi̱za kuragira bamalayika baamwe bakulinde, bakwehemberenge mu mihanda myamu myensei̱.

Alikubbumba na byoza byamwe, kandi hansi wa bimpaha byamwe hooho halibba b̯wi̱ru̱ki̱ro b̯wamu, mananu gaamwe galikulinda.

Nka ku̱wafoori̱ri̱ MUKAMA b̯wi̱ru̱ki̱ro b̯wamu, yogwo Waahakyendi̱ Hoi̱, yooyo b̯wi̱ru̱ki̱ro b̯wamu, tihaloho kabii kensei̱ kalikudwereera, b̯ujune tib̯ulikudwereera.

Hab̯wakubba alikujuna mutegu gwensei̱, naakujuna na b̯u̱seeri̱ b̯wa kookoro.

Bantu ru̱ku̱mi̱ basobora ku̱kwera heehi̱ nawe, nku̱mi̱ na nku̱mi̱ ha mukono gwamu gwab̯udyo, bei̱tu̱ kandi we, kabii ti̱kali̱kwesu̱mi̱i̱ra.

Otali̱ti̱i̱na kabii kei̱za i̱jolo, habbe mbasi zi̱kwecu̱u̱ru̱ngya mwinsi, rundi nseeri̱ gibiibi gi̱kei̱zi̱ra mu nti̱ti̱, rundi kuhwerekeera kwa mwihangwe.