Popular Bible Verses from Zabbu̱li̱ 139

Share

Nkukuhaariiza kubba nyaahangi̱rwe mu ngeru gi̱ku̱ti̱i̱ni̱sya kandi gikuhuniriza. Milimo myamu myamahanu hoi̱, ki̱kyo nkyegeeri̱ ki̱mwei̱ kurungi.

Ai̱ Ruhanga, nnkebera, weege mutima gwange! Nngezesya, weege biteekerezu byange! Weeteegereza b̯unyakabba nindi mu nsobi̱ gyensei̱, nnyebembera ondoosye mu muhanda gwa biro na biro.

Bicweka byange byensei̱ bya mu nda weewe waabi̱koori̱, wambu̱mbahu̱mbi̱ri̱ nindi mu nda gya mmaama.

Mei̱so gaamu gambweni̱ ntakahangi̱i̱rwe, nka ku̱byahandi̱i̱ki̱i̱rwe mu kitabbu kyamu, ki̱mwei̱ ha ki̱mwei̱, na biro bi̱byo bi̱bakampangi̱ri̱mwo b̯ubyali bi̱takabbeeri̱ho.

Ai̱ MUKAMA, wangezeseerye hoi̱ kandi onzegi̱ri̱!

Ndigyenda hanya mwa ku̱kwebi̱saho? Rundi ndi̱i̱ru̱ka hanya hali otali?

Weegi̱ri̱ mabyokere gange na malaalire, weeteegereza biteekerezu byange nincaali hadei.

Nab̯umba ntakabazi̱ri̱, ai̱ MUKAMA, byensei̱ binkugyenda kubaza, obba obyegi̱ri̱.

Weewe owoneera magyendere gange na meeri̱re gange, bikorwa byange byensei̱ obyegeeri̱ ki̱mwei̱.