Popular Bible Verses from Ngeera 4

Share

Weegyenderezanga bi̱byo byokuteekereza, kubba byobyo ndugiiro gya b̯womi.

Teekerezanga, otakakoori̱ kyokwendya kukora, mwomwo byokukora bilidwereera.

Weehalanga lu̱nyu̱mi̱yo lu̱ku̱habi̱sya, otabazanga bigambu bibiibi.

Ki̱handu̱, tunga magezi̱, nab̯wotalibba na kintu, obbenge na kwetegereza.

Bei̱tu̱ muhanda gwa barungi gwisana kyererezi̱ kya mambya, ki̱syani̱a ku̱doosya b̯u̱kereeri̱ ki̱mwei̱. Muhanda gwa babiibi gwisana nti̱ti̱ gyeitumbi, b̯ubakiibbala, tibeega ki̱baki̱i̱bbali̱i̱rye.

Otaligagumirisana, galikulinda, waagolokyanga ngonzi, galikuha b̯u̱si̱nge.

Kwatira ki̱mwei̱ bi̱bakwegeseerye, otalibileka, waabilindanga, kubba byobyo b̯womi b̯wamu.

Otagyenda mu muhanda gwa babiibi, habbe kuhunguuka hali nkori̱ za bibii.

Baana bange, mwetegeeryenge kulamba kwa bbaaweenyu̱, muteho mutima aleke mubbe na kwetegereza