Popular Bible Verses from Rom 13

Share

Amaa fan taa Ɔnyɩrɩpɛ Yesu Krisito waa fɛɛ fanɛ ɩkaalɛ bunsa. Kɛ fan man fɛ nfɛɛrɛ kanan mʋ nɩɩ fanɛ alibi kayɩɩ‐wʋlɛ mʋ kɩ taa waa kɩmʋ kebiti.

Fan man yɛgɛ ɔkʋ kʋkɔ ki sii fanɛ sʋ, amaa kʋkɔ mʋ nɩɩ kɩ dagaa kɩ dɛ fanɛ sʋ mʋ, ɩ gyɛ fɛɛ fan biti abaa. Lɩɩ fɛɛ ɔkʋmaa mʋ nɩɩ ɔ sʋ kebiti sa mʋ bɩrɩsa mʋ, mʋ ii buu Mosesi nbara mʋ sʋ kyɛɛkyɛɛ.

Ɩ dagaa fɛɛ ɔkʋmaa nɩmʋ maa bɩya mʋ n‐yɩɩ kasɛ sa kɩbanɛ alʋlʋnpʋ. Lɩɩ fɛɛ ɔlʋnpʋ kʋ man bʋ tɔ, amɔɔ ɔmʋ nɩɩ Ɩbwaarɛ yɩla mʋ. Nɩɩ alʋlʋnpʋ mʋ nɩɩ ba bʋ tɔ mʋ, Ɩbwaarɛ i yii bamʋ.

Kagyanbwɛ kɩ tɛɛ kɩɩ lʋwɛ, nɩɩ kayɩkɛ mɔɔ kii tiri tɔ. Ɩmʋ sʋ fan yɛgɛ a lɛɛ kitentenbiri awaasa mʋ tʋʋ, kɛ a taa fɩtɩla atɔ mʋ nɩɩ an taa kɔ kitentenbiri tɔ awaasa mʋ taa bun.

Ɔkʋmaa mʋ nɩɩ ɔ sʋ kebiti sa mʋ bɩrɩsa mʋ, mɛɛ waa mʋ alibi. Ɩmʋ sʋ nɩɩ fʋ kan fii biti fʋ bɩrɩsa ana mʋ, fu buu nbara mʋ nɩmʋ.

Fan ka ɔkʋmaa nɩmʋ kʋkɔ mʋ nɩɩ ɩ dagaa mʋ. Nɩɩ ɩ kan ɩ gyɛ tʋʋtʋʋ mʋ fan ka tʋʋtʋʋ. Nɩɩ ɩ kan ɩ gyɛ lenpoo mʋ, fan ka lenpoo. Nɩɩ ɩ kan ɩ gyɛ n‐yɩɩ kɩbɩya kasɛ mʋ, fan bɩya n‐yɩɩ kasɛ. Nɩɩ ɩ kan ɩ gyɛ bɛɛrɛɛ mɔɔ mʋ, fan taa bɛɛrɛɛ sa.