Popular Bible Verses from Amǝ Mishan 2

Share

Pǝlǝa Bitǝrus earia wia ama, “Koyan aɓalǝ wun ngga, ɓǝ̀ pwanzali ɓǝ̀ vwaki bui arǝ cauɓikea. Ɓǝa pakki wi batisǝma aɓa lullǝ Yesu Kǝrǝsti, ace mǝnana ɓǝ̀ Ɓakuli twala wun ban acauɓikea ma'wun, sǝ wu nǝ̀ kum ɓoro mala Bangŋo Mǝfele.

Pǝlǝa yia ka à paɓamuria aban ak kanigir aban amǝ'mishan, andǝ do a tarǝia, andǝ ligirlina a tarǝia, andǝ pakki ahiwi.

Aɓwana mǝnana kat abanì ka, à lumsǝia nǝ Bangŋo Mǝfele, sǝ à tita na cau nǝ aɓea kún ɗàngɗáng, mǝnana Bangŋo Mǝfele pea wia rǝcandǝa mala ne ka.

Zuku ka, kara à ok gǝshi gir pur a kuli kǝla gǝshi gung-mbulo mǝcande aban ɓua. Yi lumsǝ ɓala mǝnana à ndakam aban do ka. Pǝlǝa à sǝn gir mǝnana nda kǝla alasǝ bǝsa, yi sulǝ amur koyan atea ka kat. Aɓwana mǝnana kat abanì ka, à lumsǝia nǝ Bangŋo Mǝfele, sǝ à tita na cau nǝ aɓea kún ɗàngɗáng, mǝnana Bangŋo Mǝfele pea wia rǝcandǝa mala ne ka.

Koya pwari ka, à kǝ yiu a kpapi a tarǝia, aban peri aɓa Ndàmǝgule mala Ɓakuli. À kǝ kpapiki arǝ aɓala malea aban li girlina. À kǝ li girlina a tarǝia nǝ banɓoarnado, nǝ ɓabumia mwashat. À camarǝ ɓwangsǝki Ɓakuli, sǝ aɓwana kat ka banɓoaria wia a rǝia. Sǝ koya pwari ka, Ɓakuli kǝ tsǝa amur lakki malea nǝ aɓwana mǝnana à kǝ kum amsǝban ngga.

“Ɓakuli bangŋa ama, a masǝlǝata apwari ka, Mǝ nǝ sulǝ Bangŋo mem amur ɓwapǝndǝa kat. Amuna-burana andǝ amuna- mamǝna ma'wun, à nǝ̀ na gì Ɓakuli. Alaggana ma'wun nǝ̀ sǝn sǝna aɓa bangŋo, sǝ aɓwana-mǝgule nǝ̀ lorǝ alorǝo.

Sǝ amǝkpata Yesu kat ka, à kpapi ɓamuria, a do a tarǝia, à kǝ gau agirbunda malea a tarǝia. À makki agirkuma andǝ agǝna malea, sǝ à pe koya ɓwa nani ka gir mǝnana karǝ arǝ tǝle male ka.

Sǝ ɓwa mǝnana kat ɓua aban Mǝtalabangŋo ka, nǝ̀ kum auwa.”

Pwari nǝ̀ pǝlǝ pǝndǝa, sǝ zongŋo nǝ̀ pǝlǝ mǝbangŋe kǝla nkila, sǝ Pwari Mǝgule andǝ Mǝɓoarɓwe mala Mǝtalabangŋo nǝ̀ yia tusǝo.