Popular Bible Verses from Erĩbĩsũlĩrwa 9

Share

Abandi bandu abasaka, abatĩtawa omo malĩge aya mobataleka ebindu ebyo bakokotaya. Kandi mobataleka erĩramya esyombĩnga, nʼesyosanamu syʼesyamagetsi, nʼesyosanamu syʼebĩtsĩpa, nʼesyʼomulinga, nʼesyʼamabwe, nʼesyʼemiti, esitetoka erilangira kutse erĩowa, kutse eribasula. Kandi abandu abo mobatabindula emitima yabo bakaleka ebibi byabo byʼerĩĩta lyabo, kutse amalagu wabo, kutse erĩsĩngĩra lyabo, kutse obwĩbĩ bwabo.

Neryo esyongĩke mosyalũa omo mũkĩ oyo, mosyahĩka omo kihugo. Nĩkwa esyongĩke mosyahabwa amaka ngʼesyonge syʼekihugo ko siwite amaka. Nasyo mosyabwirwa sĩsĩtsandaye ebiti byʼekihugo, kutse ekindi kindu kibisi, kutse miti, nĩkwa sĩagalaye abandu abatawite ekiminyikalo kya Nyamuhanga oko mbũmo syabo.

Neryo omũlaĩka wʼakatanu mwabuha engubi yiwe, neryo monalangira engũnũnũ eyalũa elubula nʼeritogera oko kihugo. Neryo engũnũnũ moyahabwa ekĩboholĩ kyʼobuhya obutawite kabuno.

Esyongĩke esĩ mositahabwa ehamũlĩ yʼerĩĩta abandu aba, nĩkwa erĩagalyabo emikera ĩtanu. Erigalwa lyabo lyabya ngʼerĩagalya lyʼenge omugulu ikaluma omundu.

Kandi siwite omwami Oyukatabala kusyo, yo mũlaĩka wʼobuhya. Erĩna liwe omo Kiebrania ni Abadonĩ, nʼomo Kĩgĩrĩkĩ ni Apolĩonĩ liti, Erihera.