Popular Bible Verses from Erĩbĩsũlĩrwa 22

Share

Ĩngye indi Alfa na Omega, owʼerĩmbere, nʼowʼenyũma, enzũko nʼendũlĩ.

Kandi Yesu ati, Lebaya! Ngasa lũba! Nasyaleta ebihembo byage haguma nage, eririha obuli mundu ngoko abirikola.

Omũlĩmũ, nʼomũherũkĩ, bakabũga bati, Mwase! Nʼoyũkowa akabũga ati, Mwase! Nʼoyũkwĩre enyota ase, nʼoyo wanzĩre, ĩmaye amagetsi wʼengebe butsira erigula.

Obutseme buli ukwʼabo abakeraya esyokanzu syabo ibatoka eribya nʼehamũlĩ oko muti wʼengebe, nʼehamũlĩ yʼerilaba omo syongyo syʼomũyĩ oyo.

Neryo Yesu ati, Lebaya! Ngasa lũba! Obutseme buli oko bakategaya ebĩnywa byʼeriminyerera byʼekitabu ekĩ!

Neryo sĩbwendĩsyĩra kandi eyo, kandi sibendisyabya nʼobwaga bwʼekyakakala kyʼetala, kutse ekyakakala kyʼeryuba, kusangwa Omukama Nyamuhanga asyakoleryabo, basyatabala kera na kera.

Oyũkatũla emyatsi eyĩ ati, Ega! Ngasa lũba! Amina! Omukama Yesu, wase! Olukogo lwʼOmukama Yesu lubye nenyũ ĩnywe bosĩ. Amina.

Ĩngye Yoane, ngabwira abosĩ abakowa ebĩnywa byʼeriminyerera lyʼekitabu ekĩ nyiti, Omundu amatomeka kubyo kwʼebindi, Nyamuhanga asyamutomeka kwamalĩge awasakĩre omo kitabu ekĩ. Kandi omundu amalũsya oko bĩnywa byʼekitabu kyʼeriminyerera erĩ, Nyamuhanga asyalũsya ekihande kiwe oko muti wʼengebe, nʼekihande kiwe oko mũyĩ abũyĩrĩre, ebĩsakĩre omo kitabu ekĩ.