Popular Bible Verses from Yakobo 1

Share

Balĩkyetu, omugulu mukabana erirengwako mĩsĩndo-mĩsĩndo, mubye nʼobutseme. Kusangwa mũnasĩ omugulu erĩkĩrĩrya lyenyũ likalengawako, likaleta erĩyĩyĩnĩa.

Nĩkwa hamabya mundu omo katĩkatĩ kenyũ oyukabula amenge, abũlaye Nyamuhanga oyukaha ndeke oko bandu bosĩ butsira buhemu; neryo omundu oyo asyahabwa amenge ayo.

Balĩkyetu banze, muminye ekĩ. Obuli mundu abye akowa lũba, nĩkwa sĩabũge lũba, kutse siahitane lũba.

Nĩkwa litolere erĩyĩyĩnĩa lyenyũ lĩhĩkane ndeke, imwabya bandu abahĩkene imwabirikula ndeke, isimulibula mwatsi.

Mubye bandu abakakola nʼerĩowa ebĩnywa bya Nyamuhanga, butsira abakahulikirira lisa nʼeriyiteba.

Obutseme buli nʼomundu oyũkasĩka omwʼirengwako, kusangwa amabitoka erirengwako asyangirira embĩta yʼengebe, eyo Nyamuhanga abirilaga abamwanzĩre.

Obuli lũsũnzo lubuya nʼobuli lũsũnzo lowene, bĩkalũa endata, kandi bikasira uku Tata wʼekyakakala kyosĩ, oyutebinduka kutse eriyihindula.

Kusangwa omundu amowa ekĩnywa isialikolakyo, ali ngʼomundu oyukayisamalira omo kisasamira nʼeriyiminya; kusangwa akayisamalira, neryo iniagenda, nʼeribirirwa lũba kwʼalwe asosĩre.

Ekisomo kibuya, ekite nʼebĩtĩsĩrĩre embere sya Nyamuhanga Tata kyekĩ: erĩwatĩkya esyongũbĩ nʼabakwakalĩ omo bũlĩge bwabo, kandi eriyihigula oko myatsi mibi yʼekihugo.

Omundu sĩabũge omugulu akalengawako ati, Nyamuhanga yukamulengako, kusangwa Nyamuhanga sialitoka erirengwako nʼekibi, kandi sialirenga uku mundu. Nĩkwa obuli mundu akalengawako omugulu akakurawa nʼerihekwa nʼesyongumbu siwe nyibi.

Nĩkwa Omũlĩkyetu mwera atseme omugulu akahamĩbawa na Nyamuhanga.