Popular Bible Verses from Enzũko 28

Share

Neryo, talebaya, indi haguma nawe, nasyakũteya ehosĩ wasyaya, nasyakũsũbya omo kihugo ekĩ kandi; kusangwa sindiendĩsyakũsĩganĩa nde nabikola ebyo nakubwira.

Kandi lebaya, Omwami Mukulu iniahangene endata kukyo, akabũga ati, Ĩngye indi Mwami Mukulu, wa Abrahamũ, tata wawe, na Nyamuhanga wa Ĩsaka. Ekihugo ekyo ugotsereko nasyahakyo ukʼuwe nʼoko bana bawe.

Neryo Yakobo mwabuka omo tũgotserĩ tuwe, mwabũga ati, Kwenene Omwami Mukulu ali hano. Ĩsĩnyasĩ.

Na Yakobo mwayisema omo kisemo ati, Nyamuhanga amasyabya haguma nage akanyĩteya omo nzira ngayamo, nʼerimba akalyo kʼerirya, nʼolukimba lwʼeriambala, erireka ĩnaswahĩka omo nyũmba ya tata wage mo buholo, neryo Omwami Mukulu asyabya Nyamuhanga wage. Nʼerĩbwe eryo nasingika eribya ndũyĩ, lyasyabya nyũmba ya Nyamuhanga. Nʼomo byosĩ wasyamba, kwenene nasyakuha ekiguma kyʼomwʼĩkũmĩ.

Kandi abana bawe basyabya ngʼolũtũtũ lwʼekitaka, neryo wasyabwayira omo kihugo kyʼeyĩkwa nʼomo kyʼendata, nʼomo butambi bwʼendata nʼomo bundi butambi bwʼeyĩkwa, nʼomwisi wawe nʼomo bana bawe, ebihanda byosĩ byʼekihugo byasyatsumulwa.

Neryo mwahula erĩna lyaho mo Betelĩ. Nĩkwa erĩna lyʼomũyĩ oyo erĩmbere lyabya Lũzĩ.