Popular Bible Verses from Abanya Galatĩa 5

Share

Nĩkwa emikolere eyĩkalũa oko Mũlĩmũ yeyĩ: olwanzo, obutseme, Obuholo, eriyibombeka, obwenge, obubuya, eritendiregula, omutima molo, nʼerĩyĩteya. Sihali omugambo owakalwa nʼemyatsi eyĩ.

Nĩkwa ngabũga nyiti, Mulendere omo mibere yʼOmũlĩmũ, simwendĩsyaberererya esyongumbu syʼomubiri.

Omũlĩmũ amaleka itwabyaho, tuleke Omũlĩmũ oyo atusondole.

Neryo abali uku Kristo Yesu babiribamba oko musalaba emyatsi yosĩ yʼomubiri, haguma nʼesyongumbu nʼerisonda lyago.

Neryo erikola lyʼomubiri liminyikere ndeke, lyerĩ: erĩsĩngĩra, obũkĩne, amaragane, erisaba esyosanamu, erilagula, obũyĩgũ, erilwa, obũha, erihitana, erinegena, erĩkangĩrĩrya lyʼamabehĩ, eritsura, erĩkũnda, eritamira, nʼemyatsi yosĩ eyiri ngʼeyĩ. Ngababwira ndeke kandi nyiti, abakakola ebiri ngʼebĩ sibendisyabana omwanya omo Bwami bwa Nyamuhanga.

Kusangwa balĩkyetu, ĩnywe mwabĩrĩkĩrĩrya eribya nʼobwĩranda. Nĩkwa simuleke obwĩranda bwenyũ bũkabakolesya esyongumbu syʼomubiri; nĩkwa mukolerane omo lwanzo.

Kusangwa esyongumbu syʼomubiri sikalwa nʼOmũlĩmũ, nʼOmũlĩmũ akalwa nʼomubiri; kusangwa hali obũyĩgũ omo katĩkatĩ kabo, sulitoka erikola ebyo wanzĩre.

Kusangwa Emigambo yosĩ ĩkahĩkana omo kĩnywa kiguma kiti, Wanze mũlĩkyenyũ ngoko ũyanzĩre.

Situyitendere buyira, kutse erisondana kwʼomwaga, nʼeritsurana.

Kristo mwatubohola, tubane obwĩranda! Neryo muhangane, mũsĩke, simuleke mukaswabohwa ngʼabakobe.