Popular Bible Verses from Wlɔmö 6

Share

‑A ‑gɛn ‑mü ꞊dhɛ ꞊trɔɔn 'ö 'wɔn yaa kë ‑sü 'gü 'yö ga 'ka. "Kɛɛ 'pë 'ö Atanna ‑ya ꞊gbaɔ 'mɛ 'ö 'dhang bho kwa Dëmɛ Yesu Klisi "dhiʋ̈ ‑a ‑gɔ "wɛkɛwɛkɛ, 'yö ‑mü ‑tosɛa 'ö 'yaa yën 'ö‑ "piʋ̈ bha ꞊në‑ 'ka.

‑A ‑gɛn ‑mü ꞊dhɛ ‑a ‑bha ‑gasitɛ ꞊në 'ka ‑kplü ‑sü 'ka‑ ‑bha ꞊taamasü ya‑ 'gü, 'ö 'ka ‑tosɛa kë sië‑ ꞊yënng 'gü. 'Kaa 'tɔng‑ ‑gɔ ‑kpla 'gü 'zü, 'wɔn 'ö‑ ‑wɔn 'gü 'yö 'wɔn yaa ‑kɔ 'yii 'dho ꞊mɔɔ ka ‑bha 'zü bha 'yö bha.

꞊Ya kë "dhʋ̈ kö 'dho 'ö 'kwa‑ wo "yi ꞊wlöö kwa ‑bɔ ‑a 'ka ‑zu bho ‑dhɛ 'gü bha ꞊në ꞊dhɛ ga 'ö kwɛng‑ ‑nu 'kwa‑ wo kwa "kwëë, 'ö 'wo kwa bun bho ‑a 'dhö. Kë "dhʋ̈ kö 'kwa 'tosɛa kë 'pö ꞊dhɛ Klisi ‑bha 'ö‑ kë sië kö‑ Dë ‑bha 'gügbɩɩdhɛ ꞊bhlëësü bha ꞊yaa‑ bho ga 'gü ꞊yaa‑ ‑bö bha‑ 'dhö.

Ka daɔ ‑nu 'wo ka ‑bha bha 'ka 'dho‑ ‑nu "kplëng bho 'wɔn yaa kë ‑sü ‑dhɛ ꞊dhɛ ‑a ‑bha yë ‑kë 'ka ‑kwɛɛ ‑nu 'dhö, "kɛɛ ‑ka ka ‑dɩ nu Atanna ‑dhɛ ‑kɔ ꞊gban ‑kɔ ꞊gban 'gü, kö 'ka kaa‑ ‑tosɛa ꞊gban nu‑ ‑dhɛ. ‑A 'klɔɔ‑ ‑mü ꞊dhɛ ka 'ö 'ka gun 'ka ga bha 'ka 'go ga 'gü 'ka ‑bö, ‑tosɛa ‑dee ꞊në‑ 'ka‑ kë sië ꞊taamasü ya‑ 'gü Atanna ‑bha kë 'gü. ‑A ‑wɔn 'gü, ‑ka ka daɔ ‑nu "kplëng bho yö ꞊në ‑dhɛ ꞊dhɛ ‑a ‑bha yë ‑kë 'ka ‑kwɛɛ 'dhö kö 'wɔn 'ö pö 'aa‑ ‑bha ꞊në 'ka‑ kë.

‑A kë "dhʋ̈ ‑sü bha‑ 'gü, ‑a ‑dhɛa ‑bha ꞊dhɛ ‑a ‑naa kë kwa "yaan ꞊dhɛ mɛ suu 'dhɛ 'kwa gun‑ 'ka ‑blɛɛsü bha ꞊në ꞊ya ga Klisi "piʋ̈ "dhü ‑bha bha. Kë "dhʋ̈ kö zuëga yaa 'ö gun kwa "gblʋ̈ʋ̈‑ ‑blɛɛsü bha‑ 'gü ‑yö see‑, kö 'kwa 'go 'wɔn yaa kë ‑sü ‑gɔ ꞊dhuëngdhɛ 'gü.

‑A ‑kë "dhʋ̈ ‑sü ‑wɔn 'gü, kaa ‑dɩ 'pö, ‑ka ka ‑dɩ ‑sü ꞊dhɛ 'mɛ ꞊ya ga 'wɔn yaa ‑gɔ ‑a 'dhö, kö 'ka ‑tosɛa kë Atanna ‑bha kë 'gü Yesu Klisi ꞊yënng 'gü.

꞊Ya kë "dhʋ̈ kö 'wɔn bha‑ ‑gɔ 'kwa‑ sü‑ 'gü yö ‑mü ‑më 'ka? Kwa ‑dho zë Atanna ‑bha ‑gasitɛ ‑kë kwa ‑dhɛ ‑sü ‑wɔn ꞊në‑ ‑dhɛ kö 'kwa ‑tosɛa kë 'wɔn yaa 'gü ‑kpɛawo 'kwa 'dho‑ 'ka, kë "dhʋ̈ kö ‑yö ö ‑bha ‑gasitɛ bha‑ 'bha ‑da 'gü 'pö ‑kpɛawo ‑ee? ‑Abin! ‑A ‑gɛn ‑mü ꞊dhɛ 'kwa bɔ Yesu 'ka kö 'kwa kë ꞊dhɛ 'mɛ ꞊ya ga ‑a 'dhö 'wɔn yaa kë ‑sü ‑gɔ. Kö 'kwaa 'dhö 'zü 'wɔn yaa ‑zë ‑bha 'ka, ꞊ya kë "dhʋ̈ kö 'kwaa‑ ꞊mɔɔ‑ ‑bha kö 'kwa 'wɔn yaa kë 'zü ‑kpɛawo 'kwa 'dho‑ 'ka.

"Ɛɛn 'yaa ka 'gü ꞊dhɛ 'mɛ 'ö ꞊wlü 'ö dho ö ‑dɩ "kplëng bho mɛ ‑dhɛ kö 'ö ‑da ‑mɛ ‑gɔ gwëëdhɛ 'gü, kö‑ ‑mɛ ꞊ya kë 'ö gwëëdhɛ kë sië 'mɛ 'ö‑ ‑dhɛ bha‑ ‑bha ꞊dhuëng 'ka ꞊naa bha ‑ee? ꞊Ya kë "dhʋ̈, 'mɛ 'ö 'bha i ‑dɩ nu 'wɔn yaa kë ‑sü ‑dhɛ, kö 'bha ‑da ‑gɔ ꞊dhuëngdhɛ 'gü ꞊naa bha, i ‑gɔ ‑dho 'to‑ ‑bha 'ö i 'gü ‑yö ꞊see. 'Mɛ 'bha i ‑dɩ "kplëng bho 'pö Atanna ‑dhɛ kö 'i‑ ꞊bhlëë ‑ya, ‑yö ‑dho i kë 'mɛ 'ö pö 'aa‑ ‑bha ‑a 'ka.

"Kɛɛ Atanna nuɛ", ‑a ‑gɛn ‑mü ꞊dhɛ ka 'ö 'ka gun 'wɔn yaa kë ‑sü ꞊në‑ ‑gɔ ꞊dhuëngdhɛ 'gü ‑blɛɛsü bha, ‑gasitɛ yö ꞊në‑ ‑bha 'yö 'wo "ta ‑kɔ ‑së 'ö ‑zɔn ka ‑dhɛ bha ꞊në 'ka‑ 'sü ‑sü 'ka ka 'nii‑ ‑bha ‑wɔn 'ka dɔ ‑kɔ ya‑ 'gü. ‑A ‑wɔn 'gü, 'go 'ka‑ wo 'wɔn yaa ‑gɔ ꞊dhuëngdhɛ 'gü bha ka ‑da ‑sü 'ka 'wɔn ‑së kë ‑sü ꞊në‑ ‑gɔ ꞊dhuëngdhɛ 'gü.