Popular Bible Verses from Wlɔmö 4

Share

Ablaamö ‑bha ‑zʋ ‑yö Atanna ‑dhɛ ‑kɔ yaa 'gü yaa bha‑ ‑wɔn 'gü, "sika 'bha ‑zian 'yii kë‑ 'gü 'wɔn 'ö Atanna ‑ya pö‑ ‑dhɛ bha‑ "gblʋʋ "piʋ̈, ‑ya ‑to "dhiʋ̈ 'ö zun‑ nuɛ" bho ‑sü ‑bha. ‑A 'klɔɔ‑ ‑mü ꞊dhɛ ‑a 'dhang bho ‑sü ‑gun "dhiʋ̈ 'kpakpadhö ꞊dhɛ Atanna ‑fiëbhawɔn 'yaa 'dhö, ꞊ya 'wɔn "ʋʋ 'wɔn 'ö‑ pö, ‑yö ‑mɔɔ ‑bha 'ö‑ ‑kë.

«Bhi ꞊në 'a i ‑ya kö 'i kë "sɛgɔ 'gbɛ ꞊dede 'gü ‑mɛ ‑nu ꞊gban dë 'ka.» Atanna 'ö 'dhang bho‑ "dhiʋ̈, yö 'ö 'mɛ ꞊wa ga ‑a ‑nu ‑bö 'ö 'wo ‑kë ‑tosɛa ‑dee këmɛ 'ka, 'ö yö ꞊në 'pë 'yaa 'dhö tongtongdhö ‑a ‑da bha Ablaamö ꞊në kwa dë 'ka ‑a wëëdhö.

‑A 'klɔɔ‑ ‑mü ꞊dhɛ Yesu bha ꞊në ga kwa ‑wɔn 'gü, kë "dhʋ̈ kö 'bɔn ‑yö 'go kwa ‑bha. 'Yö dho 'yö Atanna ‑ya ‑bö, 'yö go ga 'gü, kë "dhʋ̈ kö ꞊sɔng 'ya 'dho kë kwa ‑bha ö wëëdhö.

‑A 'klɔɔ‑ ‑mü ꞊dhɛ ‑zʋ ‑yö ‑a ‑dhɛ ‑kɔ 'yaa ‑kɔ 'ö‑ ‑bha, Ablaamö bha ꞊në kë ‑zʋ yö‑ ‑dhɛ ‑a 'kɔ 'gü. ‑A ‑gɛn ‑mü ꞊dhɛ yö 'ö bha ꞊në Atanna ‑yö nëgɔɔn do "plüün bho‑ ‑dhɛ, "kɛɛ kö‑ ‑kwɛ ꞊ya kë këng do, kö‑ ‑bha dhebhɔ ‑dɩ 'pö ꞊ya kë mɛ ꞊kpaɔsü ꞊dede 'ka, kö 'yaa 'nëkpɔmɛ 'ka 'zü, 'yö Atanna ‑ya pö‑ ‑dhɛ ‑a Gbö 'ö dho bhɔ "dhʋ̈ bha ꞊në‑ suu 'gü ‑në ‑nu dho pa 'wo ‑kë "sɛgɔ ‑zii ‑sü do 'ka, "kɛɛ 'yö waa‑ ‑bha dhebhɔ ‑a ‑nu ‑kë zii ‑sü ꞊gban waa‑ ‑bha ‑bha, 'yö Ablaamö ‑yö 'dhang bho‑ ‑wʋ bha‑ "dhiʋ̈, 'yö‑ ‑bha ‑zʋ ‑yö ‑a ‑dhɛ ‑sü 'bha 'yii "kan‑ ‑ta.

Yö ꞊në‑ ‑wɔn 'gü, 'yö 'mɛ 'ö Atanna ‑yö "plüün bha‑ bho‑ ‑nu ‑dhɛ bha 'wo‑ ꞊slɔɔ ‑zʋ ‑yö ‑a ‑dhɛ ‑sü ꞊në‑ "gblʋʋ "piʋ̈. Kë "dhʋ̈ kö ‑yö kë 'pë 'ö‑ ꞊gbaɔ "wɛɛwɛɛ ꞊në‑ 'ka, kö 'ya 'dho 'to Zuifö ‑nu 'ö wo ‑zë ‑a ‑bha 'tɔng‑ 'dhö‑ ‑nu ‑gɔ bha woo do‑ ‑nu ‑bha 'wɔn 'ka, "kɛɛ kö ‑yö kë mɛ "pɛpɛ 'wo dho 'dhang bho‑ "dhiʋ̈ ‑a ‑nu ꞊gban ‑bha 'wɔn 'ka ꞊dhɛ ‑kɔ 'ö ‑kë 'ka mɛ ꞊gban "pɛpɛ kwa "bhɛma Ablaamö ‑dhɛ yi 'bha 'ka bha‑ 'dhö. ‑A ‑gɛn ‑mü ꞊dhɛ ‑yö ‑bɛn zë ‑sü 'ka Atanna ‑gɔ 'sëëdhɛ 'gü ꞊dhɛ

«'Mɛ 'ö Atanna ꞊yaa‑ ‑nu ‑mawɔn 'to, 'ö ꞊ya ö "tʋ̈ng 'go‑ ‑nu ‑bha 'wɔn yaa ‑nu ‑wɔn 'gü, ‑a ‑nu ‑bha ‑së. 'Mɛ 'ö Atanna ‑zʋ ꞊ya bhɔ ꞊sɔng ‑kë ‑a ‑nu ‑bha ‑wɔn 'ka, ‑a ‑nu ‑bha ‑së ꞊dedewo.»

‑A ‑gɛn ‑mü ꞊dhɛ ‑wʋ 'ö ‑bɛn zë ‑sü 'ka Atanna ‑gɔ 'sëëdhɛ 'gü yö ‑mü ꞊dhɛ: «Ablaamö kë 'dhang ꞊në‑ bho Atanna "dhiʋ̈, 'yö zë‑ ‑wɔn ‑dhɛ 'yö‑ pö‑ ‑bha ꞊dhɛ pö 'aa‑ ‑bha.»