Popular Bible Verses from Këwɔn ‑nu 27

Share

'Yö Pɔdhö ‑yö dhiang zë‑ ‑nu ‑dhɛ 'ö dho‑ 'ka ö "dhiʋ̈ 'ö‑ pö: «Gɔɔn‑ ‑nu, 'wɔn 'ö Atanna ‑bha "kië ‑ya pö bha‑ ‑wɔn 'gü ‑ka ka faan dɔ, ‑a ‑gɛn ‑mü ꞊dhɛ n 'dhang bho ‑sü ‑yö Atanna "dhiʋ̈, ‑yö ‑dho ‑a kë ꞊dhɛ ‑kɔ 'ö‑ pö‑ 'ka n ‑dhɛ bha‑ 'dhö.

A‑ 'wɔn ‑dɔ, ‑a ‑gɛn ‑mü ꞊dhɛ Atanna 'a‑ ‑bha 'ka 'ö 'a‑ ‑bha yë kë sië bha‑ ‑bha "kië do ‑yö ‑wo n ‑ta ꞊dɛɛ gbeng, 'yö‑ pö n ‑dhɛ: «Pɔdhö, "suʋ̈ 'ya 'dho i kë, ‑a ‑dhɛa ‑bha ꞊dhɛ 'i 'dho "sɛkɔɔnmɛ 'kpii‑ ‑kuu "dhiʋ̈ (kö 'i dhiang zë‑ ‑dhɛ). ꞊Dhɛ 'ö ‑kë ꞊dhɛ Atanna "gblü ‑yö ‑së 'pö bha, ‑yö ‑dho 'wɔn ‑së kë i ‑dhɛ, ‑a ‑gɛn ‑mü ꞊dhɛ mɛ "pɛpɛ 'wo i "piʋ̈ "yitagɔ 'gü bha ‑yö ‑dho ‑a ‑nu ꞊gban dha 'pö.»

"Kɛɛ "tʋ̈ng ya‑ 'gü a‑ ‑dhɛ ka ‑gɔ kö 'ka ka faan dɔ, ‑a ‑gɛn ‑mü ꞊dhɛ mɛ 'bha 'yii dho ga ka kpö 'gü, "yitagɔ bha yöö do ꞊në 'yii 'dho dha.