Popular Bible Verses from Abaruumi 12

Share

So temufaananyizibwanga ng'emirembe gino: naye mukyusibwenga olw'okufuula amagezi gammwe amaggya, mulyoke mukemenga bwe biri Katonda by'ayagala, ebirungi, ebisanyusa, ebituufu.

Kyenvudde mbeegayirira, ab'oluganda, olw'okusaasira kwa Katonda, okuwangayo emibiri gyammwe, ssaddaaka ennamu, entukuvu, esanyusa Katonda, kwe kuweereza kwammwe okw'amagezi.

musanyukenga mu kusuubira; mugumiikirizenga mu bunaku; munyiikirenga mu kusaba

Towangulwanga bubi, naye wangulanga obubi olw'obulungi.

Mu kwagala kw'ab'oluganda mwagalanenga mwekka na mwekka; mu kitiibwa buli muntu agulumizenga munne

Okwagala kubeerenga kwa mazima. Mukyawenga obubi, mwegattenga n'obulungi.

Oba nga kiyinzika, ku luuyi lwammwe, mutabaganenga n'abantu bonna.

Temuwalananga mwekka ggwanga, abaagalwa, naye waakiri musegulirenga obusungu: kubanga kyawandiikibwa nti Okuwalana kwange; nze ndisasula, bw'ayogera Mukama.

mu kunyiikira si bagayaavu; abasanyufu mu mwoyo; nga mubeeranga baddu ba Mukama waffe

Kubanga njogera, olw'ekisa kye nnaweebwa, eri buli muntu ali mu mmwe, alemenga okwerowooza okusinga bwe kimugwanidde okulowooza; naye okulowoozanga nga yeegendereza, nga Katonda bwe yagabira buli muntu ekigera ky'okukkiriza.

Temuwalananga muntu kibi olw'ekibi. Mwetegekenga ebirungi mu maaso g'abantu bonna.

Mulowoozenga bumu mwekka na mwekka. Temwegulumizanga, naye mugendenga n'abo abatalina bukulu. Temubanga ba magezi mu maaso gammwe mwekka.

Naye omulabe wo bw'alumwanga enjala, muliisenga; bw'alumwanga ennyonta, munywesenga: kubanga bw'okola bw'otyo, olimukumira amanda g'omuliro ku mutwe gwe.

Musabirenga ababayigganya; musabirenga, so temukolimanga. Musanyukirenga wamu n'abo abasanyuka; mukaabirenga wamu n'abo abakaaba.

mugabirenga abatukuvu bye beetaaga; mwanirizenga abagenyi.

Kuba nga bwe tulina ebitundu ebingi mu mubiri ogumu, naye ebitundu byonna tebirina mulimu gumu: bwe kityo ffe abangi tuli omubiri gumu mu Kristo, na buli muntu tuli ebitundu bya bannaffe fekka na fekka.