Popular Bible Verses from Iroma 12

Share

Eminturubare ate ena kop kake embelekenyata enchoo eitang'ejuki intae indamunot pee itumutumu aaitadedeyie eyieunoto e Nkai, naa supat ninye neng'amunoyu naa bayaroti.

Aishiraki naa intae, ilalashera laainei, te ilo ng'ur le Nkai, enchoru iseseni linyi metaa olasar oishu, osinya neng'amunoyu te Nkai, amu ina eseremata inyi e nkiyang'et.

Enting'idata to siligi linyi enting'iria to sina, entasheikinoto enkomono.

Emincho entorroni emir intae, kake entimir entorroni too supati.

entonyorrata intae maate to sotua loo lalashera; entukujata te nkanyit.

Emincho enyorrata ejing esunkureisho; embai intae intorrok, entirrisha isupati

Te naa keidimayu, paa intae etioorie, entotoni te seriani o pooki ng'ae.

Ilanyor laainei, emintalaku ilapi, kake entung'eiki mbaa inyi engoro e Nkai; amu etisiraki aajo, “Enaai elap, nanu oitalaku lapi, Olaitoriani ojo.”

Emincho enkisosion inyi edukenya, entaa lkirowua te Nkiyang'et, esiayia Olaitoriani.

Amu ore te nkaraki empiris naaishooki nanu, ajoki pooki ng'ae linyi pee medamu ajo ailepie kewan alang enairirikino kake pee etem aiguanare kewan too naatiu, aitorisioki tung'ani kewan entemet e nkirukoto naishoo Enkai ninye.

Emilakie entorroni enkae torroni, kake ore enaishiaakino te pooki ng'ae entipik intae indamunot.

Entotoni ining'ong'o olikae o likae emiika, entushulare lelo oomeni; emitiira.

A'a, “Ore pee eeta olmang'atinta lino esumash, intotio; ore pee eeta enkure nchoo entoki naok; amu ore inko neijia, inkuk naayupuyup inteleikia elukunya enye.”

Entamayian lelo ooisilisil intae; entamayian emidek ninche. Enting'idata o lelo oong'ida ninchirishiri o lelo ooishir.

Enchooi te nkaraki lelo sinyat ooata ngolikinot, entaa loonyor enkitoomono oo lomon.

Amu ore anaa enikiaata irubat kumok to sesen obo, neme nabo esiaai oo rubat pooki, neijia sii kitiu iyiook, ore hoo nikira kumok, kira osesen obo ti atua Kristo, nikira rubat olikae o likae.