Popular Bible Verses from Enkikena 22

Share

Nebol Olaitoriani enkutuk e ina sikiria, nejoki ninye Balaam, “Kainyoo nanu aaitaasa iyie, pee kitoosho iyie nanu katitin uni?”

Nebol Olaitoriani nkonyek e Balaam, nedol ninye ilo malaika lo Laitoriani eitashe te nkoitoi eeta enchutati o lalem te nkaina enye; neirrug Balaam endukuya enye, nebatata te nkomom.

Nejoki olmalaika lo Laitoriani ninye, “Kainyoo iyie pee itoosho esikiria ino kuna katitin uni? Ng'ura, aewuo nanu pee aaibooyo amu ore enkoitoi ino naa kepaashare enkoitoi ai

Nejoki ina sikiria Balaam, “Emara nanu esikiria ino, naa ninye intakedo te nkishui ino pooki o metabaiki ena olong? Katamoo nanu aaitaas iyie ena?” Nejoki Balaam, “A-a.”

Nejoki Balaam ina sikiria, “Enkaraki nikigira iyie aiguranie nanu. Enyor napaji naa kaata olalem, pee aatum atara iyie tua.”

Ore ake pee edol ina sikiria olmalaika lo Laitoriani, neirrag te nkop ti abori Balaam; neyupuyup engoro e Balaam, neosh ninye ina sikiria te ng'udi enye.