Popular Bible Verses from Ilawi 26

Share

Naa kalo nanu tiatua intae naaku Enkai inyi, niakuku intae iltung'ana laainei.

naisho nanu intae enchan inyi too rishat enye, netum enkop atoisho ore ilkeek le nkurma neiu ilng'anayio lenye.

“Tinipuopuo intae too nkiguanat aainei nimbung'ubung'u nkitanapat aainei, niaasiasa ninche

Naa kaishoru nanu eseriani tiatua ena kop; naa irurara intae nemeetae oltung'ani oiture intae; naiwuang'ie nanu ing'uesi torrok tena kop, nemeitoki olalem atii enkop inyi.

Naa kaing'or nanu intae naisho intae entoisho napon intae, naitadedeyie nanu osotua lai o intae.

Ara nanu Olaitoriani Enkai inyi, ilo apa oyawua intae aitupuku te nkop e Misiri, pee mintokiki aaku irrindiki lenye, natigila nanu isekenke e rrindikisho enye, naisho intae enchom ntorioriri.

Naa kaitobir nanu emanyisho ai tiatua intae, nemeibelekenya oltau lai aibayu intae.

“Emintobirakiki intae ate nkitanyaanyukot oo nkaitin nimishetishete nkitanyaanyukot oo nkaitin naaguetuno aashu e ng'ape, nimintasheyieyie intae osoit le nkitanyaanyukoto tiatua enkop inyi, pee irrugokinono ninche; amu ara nanu Olaitoriani Enkai inyi.

Naa inosinoso intae endaa musana apa nitushuma, nintokiki aaiwuang'ie ina musana pee itumutumu enipikipiki eng'ejuk.

Imiet linyi oopuo aamir iip, ore iip linyi nepuo aamir nkalifuni tomon; ore ilmang'ati linyi naa kepuo aabatata te dukuya intae to lalem.

Ore esototo oo nkurman inyi nebik ometabau enkata nasotuni isabibu, nebik isabibu ometabau enkata e unore. Ninosinoso intae emukate inyi aaraposho nibikibiki tiatua enkop inyi te seriani.

Naa imirimiri intae ilmang'ati linyi, naa kebatata ninche te dukuya intae to lalem.

Embung'a intae isabatoni aainei niyanyititi emanyisho ai sinyati. Ara nanu Olaitoriani.