Popular Bible Verses from Avalumi 1

Share

Singuluwonela inyoni Ulukani Ulunofu, ulwene lwe ludali lwa Nguluvi lwelwakuvapoka mbevali vevifuuwa ukutala Avayudaya neke vase avamyanza.

Pakuva Ulukani Ulunofu luvika pawelu lula lwe Nguluvi akuvawuyapa avanu vave vagolofu; ulukani ulo lwipigikilaga mu lufuuwo, uluhuma pamuvango mbaka kumudugo. Ndawe lwandikwe, “Umunu umugolofu kwa ulufuuwo anana.”

Uluhuma Nguluvi peigava ing'i, uludali lwakwe ulwa mbepali na uwunguluvi wakwe nambi sifiwonekagi kwa amiho, fihele fikagulanika hilo. Avanu vahwanite ukufikagula ifyo uwimila ifinu fye agafile Nguluvi. Ino vagaya ng'asi ukwikolela ukukana!

Nambi we vakulukagula ukuta Nguluvi pwali, nambi ndahihyo neke sivakumupela ululumbo ulumunoje, nave ukumulumba. Ulungi na lulo, amahosa gawo gawuyasi na luluhala lwawo nalo lugaya kinu.

Vipitula uwanachene wa Nguluvi wuve wudesi; vivanachoga na ukukisunyalila ikigawa, vakumuleka Nguluvi umwene, ye anoje ululumbo lwa mbepali!

Ililakali lya Nguluvi ligubwilwe uluhuma kuchanya ukwimila uwanangifu na uwananzi wa avanu ve kwa ing'asi sawo imbi vibesa inachene yilemwe ukukagulanika.

Sweno, Nguluvi avalesile avanu vafwate uwudobokesi uwubi. Na vang'inetu vidulika imipigile igihwana uwugave wa imivili jawo, kwa gila jesigihwana na uwugave wa imivili jawo. Lwindahihyo na vagosi nawo, vileka ukwinatila imipigile igihwana na uwugave wa umugosi nu mung'inetu, neke avene vakwidobokela vagosi ng'ani. Vagosi kwa vagosi, vakwipigila ing'ani inyonga nyoni, na ukwimila lulo, vakwiletela vavene ukuhigwa ukuvaje ifipigo fyawo fya uwanangifu. Pakuva avanu vabihye ukumukagula Nguluvi, Nguluvi avalesile mumahosa gawo amanangifu, vapige sila sesisihwaniti ukupigwa na avene.

Vakwivika nda vanyaluhala kumbi vapuva. Ino vileka ukumusunyalila Nguluvi uva mbepali neke avene vipitukila ukufisunyalila ifihwananguluvi ifinya lwihwano na umunu umunyakufwa, na finya lwihwano lwa ifikoko na ifidege, na apangi ifikoko ifinyakutambala.