Popular Bible Verses from Uwugubulilwe wa Yohane 8

Share

Na Umwanang'olo ave ihesa indoni iya mufung'ati, kwave sili kuchanya kwa lusika lwa ilipinga lya ikivalilo kimwi de

Umunyivaha uva kutala akufile lipembe lyakwe. Swe indonya iyihanging'ine na amaganga na idanda fyatoosiwe mung'i. Swe iyimwi kwa isidatu ya ing'i yaapye. Na iyimwi kwa isidatu ya imibiki jaapye, na amahamba mbegali amadodi gaapye.

Ndawe ndalavige, swe ndipulika imbungu yiguluka kuchanya hilo kwilanga yilonga yihugite, “Mwinalyo, mwinalyo, mwinalyo yemukwikala mung'i ulusika lwe avanyivaha avadatu vevasige pevava vakufile amapembe gawo!”

Umunyivaha uva kavili akufile lipembe lyakwe. Na ikinu wita ikidunda kikomi ikikwaka umoto chatoosiwe mubahali

Ndawe umunyivaha va wudatu akuvige lipembe lyakwe. Na ing'eng'esi ingomi yeyaakige wita moto, yaagwe ukuhuma kuchanya, na ukwika mu yimwi ya isidatu ya imikoga na imifwilo ja ululenga. Ing'eng'esi iyo yitambulwa, “Wukali.” Sweno, iyimwi ya isidatu ya indenga save ng'ali, avanu wolofu vaafwe ukwimila ululenga lulo, pakuva lwapitwike ukuva lukali.

Ndawe umunyivaha va wutayi akuvige lipembe lyakwe. Iyimwi ya isidatu ya ilisuva, na ya umwesi na ya ing'eng'esi yatofilwe; mbaka lulung'ali lwayo lwayasile ulumwi lwa isidatu lwa uwumalavadifu wayo. Iyimwi kwa isidatu ya ikimunyi nayo yagayike, lwendahihyo na iyimwi ya isidatu ya ikilo nacho.