Popular Bible Verses from Uwugubulilwe wa Yohane 3

Share

Lavage! Nene nzimile pamulyango ndikong'ona. Umunu wone apulike iliswi lyangu na ukudindula umulyango, nzingila mukaye yakwe na ukulya ikilyo pamwinga nave, nave alya pamwinga na nene.

Ndisikagwe isako mbesili! Ngulukagula ukuta veve si mufu kwa ulubali lwa ikinyamuhe nambi wimugaya uwuvafi ukwimila isa ikinyamuhe. Ikiba uke uvelage ulilubali ulumwi mwa siso. Sweno, pakuva veve wipagatinagati hela nene lino ngutaga kutaali!

Nene yendikenyelaga na ukumupumya yeyeavesaga yendimwenda. Ukukola lulo kangasage umutima, silekage inzanangifu sako.

Ndisikagwe ing'ani sako mbesili! Lino, ndindwe umulyango pawulongolo pa veve wesikwali umunu yeahwanite agudinde; ngulukagula ukuta nave wimugaya ludali lukomi, nambi ndahihyo, pewinatila indagilo sangu, ukuva na ichoga ku lukani lwangu na siukalibihyi ilitawa lyangu.

“Vala vevadwesa ndivakong'omeka pamwi nanene pa kigoda changu cha uwutwa, ndawe yinene lwendadwesise swe ndikong'omala pamwi na Dada vangu pa kigoda chakwe cha uwutwa.

Veve ukwitigila, ‘Nene ndi munono; sinditoka kinu, sindiguluma kinu chechekivesaga.’ Kumbi, veve siukulukagula ukuta veve wi muhomefu, widedeva lusungu hela, wimumikaa, wimubofu kangi uliwufuula!

Pakuva veve yewinatye uwulagise wangu wukuva na ulwikangaliso, nane kangi ngulolela wunofu ulusika lula lwa ulugudo ulukusa mung'i mbesili ukuvagela mbevali avakwikala mung'i.

Ngusa na sinyava! Lolelage hilo, chewinacho lino, ulonga wanukwe na umunu yeyeavesaga ingela yako ya uludweso.

Lamuke! Kiginalisage uludali chechekivesaga ikinofu ikikusigalye nacho wesikilava kikukimbila ng'ani. Pakuva, kulino de, sindilafiwona ifipigo fyako ukuta yefikwilaniche pa Nguluvi vangu.