Popular Bible Verses from Alumĩ 6

Share

Kuitĩ ĩkĩnamulĩmo kya mulandu ingĩ ukiu; ĩpa uupeegua wa kĩNzua ingĩ upanga wa kalĩ nakalĩ mwa kĩKilisito Yesu Shekulu wĩĩtu.

Kuitĩ umulandu sika ukakumudemela inie, kunsooko sika muĩlĩ nsĩlĩlĩ ya Ulagĩĩlio ĩpa nsĩlĩlĩ ya ukende.

Kuitĩ alĩ kuaĩĩkue palumuĩ ninduyo kunzĩla ya ubadĩĩzo munkia yaakue, kĩna itĩ uKilisito alĩ wiiukile kwipũna muakiu kunzĩla ya ukulu wa kĩTata, iio-iioo nindiishie kugendele muupia wa upanga.

Mulekipũnia ipitũmpĩ pya miĩlĩ yaani kumulandu zĩ mata ma ubĩĩ; ĩpa mwĩpũnie iniinie kwa kĩNzua zĩ naapanga naapũnile muakiu. Sunga ipitũmpĩ pya muĩlĩ mupipũnie kwa kĩNzua zĩ mata ma kulukuuluu.

Kumanile kĩna uuntu wĩĩtu wa kalĩ alĩ ukononteelue mumusalaba palumuĩ ninduyo, koona umuĩlĩ wa mulandu uleegigue, kulekitũla asese a mulandu kangĩ.

Iio-iioo niniinie mwĩsĩĩgĩle kĩna muakiu kumulandu, ĩpa muapanga kwa kĩNzua mwa kĩYesu Kilisito.

Kuũge mbii gua? Kwikyalene mumulandu koona uukende wĩĩ wingĩ nangũlũ? Sika ioo! Ishie naalĩ kuukiĩlĩĩle umulandu kukakikyala mbii muwaasio?

Sika mumanilene kĩna kumuakue uzo kanga mwĩpũnie uniinie zĩ asese aakue kukumugombia, mwitũla asese aakue namumugombilie, kanga wĩĩ wĩtumi wa mulandu nauleetile ukiu, katia wĩtumi wa ugombia nauleetile ĩkulukuuluu.

Ĩpa uNzua wasongeligue kunsooko inie naalĩ mwĩasese a mulandu alĩ mugoombilie munkolo zaani uumanigua naalĩ muapeegue. Paasio pĩna alĩ muakomolue kwipũna mumulandu namutũla asese a kululuuluu.