Popular Bible Verses from Alumĩ 12

Share

sunga mulekitiatĩĩla inkaani za unkũmbigyulu uu, ĩpa mukaĩlue kwitendua upia ishala liani, koona mulekanule kĩna wĩĩlĩ uulooa wa kĩNzua nauuza wa kumuloeelia, kangĩ nuukamĩnkĩĩlũ.

Luulo gua, namupeepia inie anũna aane, kukĩnishungu kya kĩNzua, ĩpũniĩ ĩmiĩlĩ yaani yĩĩ sadaka nampanga, nanzelu, nya kumuloeelia uNzua, uu wau wĩtekeli waani wa kĩnkoolo.

Kuulaaĩĩli, ĩmwilumbĩĩlia; munzago, ĩmugigimĩĩlie; muulompi, ĩmusikitĩĩle.

Ulekidulua nuubĩĩ, ĩpa uudule ubĩĩ kuuuza.

Kuuloogua wa kĩnũna, mwĩloogue niinie kuniinie; kwikyulio, ĩmuatongelĩĩle ĩaani.

Uloogua nawĩĩ ugila kaunamampĩlu; lusuukĩluĩ nalubĩĩ, ĩmukamantĩlĩĩle naluuza.

Na yasũũmĩka, kuluandĩ luani, mwikyale mumatiliga nĩantu tũlũ.

Aloogua, mulekimalia, ĩpa ulekelĩ lioma utaki wa kĩNzua, kuitĩ yandĩkue, “uUkaasia ingĩ waane; ĩne neene nikishookeelia, uũgile ũShekulu.”

Kuukamatĩkũ sika muĩ akata, muakĩle munkolo ĩmukumutumĩla ũShekulu.

Kuitĩ kuukende naalĩ numupeegue, namuĩĩla wensi kunsiani walekishĩĩga nankulu kwikĩla nayumũjĩpĩĩle kwishĩĩga; taazu wĩĩ nishĩĩgo naliendile muumo, kĩna uNzua alumoomolĩĩle wensi kwilika lya usuĩĩli.

Muleke kumushookeelia muntu ubĩĩ kuubĩĩ. Musĩĩgĩkie nanziiza pamiiso ma antu tũlũ.

Mukamantane mumasĩĩgo maani niinie kuniinie; muleke kĩkentula, ĩpa mukamantane nĩnaaniino. Muleke kĩkeema muusugũ waani.

Ĩpa “umulugu waako, kanga wakolue nzala, mulĩĩsie; kanga wakolue noota, mukopie. Kuitĩ pĩna witenda itĩ ukakumukonolela ĩmakalaa ma mooto kwityũe liakue.”

Akembetĩ naakumuagia; kembetĩ, mulekijũma. Lumbĩ palumuĩ ndĩo naalumbile; lĩlĩ palumuĩ ndio nailĩlaa.

Kuusilĩlua wa antu naeelu, ĩmukamantĩĩne; muusũgamĩĩlia agenda, ĩmwĩkamatĩkilie.

Kuitĩ kĩna iio numuĩlĩ umuĩ kutĩĩte pitũmpĩ pingĩ, sunga ipitũmpĩ tũlũ sika pyĩkĩtumaa umulĩmo umuĩ; iio-iioo nindiishie nakwĩiingĩ, kwĩmuĩlĩ umuĩ mwa kĩKilisito, kangĩ wensi numuua kwĩpitũmpĩ udũũ.