Popular Bible Verses from Aebulania 12

Share

Luulo gua, nindiishie gaa kunsooko kuapilimĩkĩĩligue nilyũnde kyulu lya akuĩli nalyĩkĩna itĩ, nakuujiule umuligo wensi numulandu naukukũtyapikagiaa, nakumankĩkie kuukamatĩkũ muwĩtiganĩĩli waasio nauĩĩkue ntongela yĩĩtu, ĩkumulaaĩlĩĩle ũYesu. mukola kuandĩĩlia, numukola kukamĩnkĩĩlia uusuĩĩli wĩĩtu. uMuene kunsooko ya ulumbi naalĩ uĩĩkue ntongela yaakue aluugigimĩĩlie umusalaba nukũshiitikolua inshoni, wikyalansile pa mukono wa kĩgoosia pityengu lya kĩtemi lya kĩnzua.

uUlangua wensi pityũngo liakue sika ukigyelelaa kwitũla wa ulumbi, ĩpa wa usungu; pembele gua ukualeetelaa ĩaasio naalĩ ijiĩĩligue nduo, nkali ya kulukuuluu nkola matiliga.

Dũũmĩkiĩ muĩ nĩmatiliga kuantu tũlũ, nuweelu muntu kanga wasiititũla nduo sikukakumuona ũShekulu.

Kuitĩ mumusĩĩgĩkie uyo naalugigimĩĩlie inkungumi kĩna izi nazipũnile kuanamĩlandu kumuakue, koona mulekikatala, ĩmwineketa munkolo zaani.

Luulo gua, kuitĩ kukuwaanũnkulaa uutemi nasika usũũmile kwishũngũsigua, nakutũle nĩmasongelio, kangĩ kumupũnilie uNzua wĩtekeli wa kumuloeelia, palumuĩ nikyulio nuooa.

Mwigigimĩlia kunsooko ya ulangua. uNzua ukumutendelaa zĩ aana; kuitĩ muana kĩ nasikukulangaguaa nũshee?

Kuitĩ uNzua wĩĩtu ingĩ mooto naukũlĩĩkagiaa.

Ĩaasio gua alĩ akukulangaa kuntondo nkeei, kĩna alĩ aoonie iiza ĩeene akola, ĩpa uzo ukukulangaa kunsaĩlo yĩĩtu, koona kukamantane muweelu waakue.

Sika mwalakakĩsinka sunga kwiiita umugali, ĩmukĩsinka numulandu.