Popular Bible Verses from 2 Timoteo 1

Share

kuitĩ uNzua sikukupĩĩle ishie ĩnkolo ya ooa, ĩpa ukukupeelaa ĩnkolo ya ngũlũ nuuloogua nukukĩtema.

Uyo alukugũnile nukukuĩta kuwĩĩtua naweelu, sika kwilika lya utendi wĩĩtu, ĩpa kwilika lishiio liakue umuene nuukende waakue, nalĩ kuapeegue ishie mwa kĩKilisito Yesu kwipũna ĩkalĩ

Kunsooko ĩĩ nakũjukĩlia ukiakĩlie ĩkĩpeegua kya kĩNzua naalukikianũnkuĩle munsĩ yaako kuuĩĩkĩlua wa mĩkono yaane

Luulo gua, uleke kuukolelua inshooni uukuĩli wa kumukuĩla ũshekulu wĩĩtu, katia kunsooko yaane nanumu tũngua waakue; ĩpa kamantana munzago kunsooko ya Mpola na Nziiza, kwilika lya ngũlũ za kĩNzua.

Kunsooko ĩĩ niligia uwaagigua uu, sunga sika nikolua kansoni, kuitĩ numumanile uyo nanumusuĩlile kangĩ ntite ishanio ya kina uzo usumile kukumĩlindĩĩla ĩmbĩĩka yaane nanĩmĩĩĩkile kumuakue sunga kuLutondo luulo.