Popular Bible Verses from 2 Petelo 2

Share

iio gua, ũShekulu umanile kukuagũna mumagemua ĩaasio naakumukulagiaa, nukukuaĩĩka naagila ĩkulukuuluu akaasigue sunga palutondo ulwa ulamulua

Kuitĩ aza ijilitũla iiza nangũlũ kumiao kanga ĩsika alĩ amĩmanile ĩnzĩla ya kulukuuluu, kwikĩla kukumĩmana, pembele alĩleke ilyagĩĩlio nalielu naalĩ apeegue. Ĩpa igyelela kumiao kwilika lya ung'enua wa tai, “ĩMbua yĩshookĩĩle ĩmalukiu maakue ĩnene, nĩngũlũma naalĩ nzogigue ĩshookĩĩle kwigala-gala mumalolo.”

Naapũnĩlia ĩmalago ma ukomolua nĩndĩo ĩeene asese a oononeki. Kuitĩ nazukumudulaa umuntu, uzo ukutũla musese wa zaasio.

Kuitĩ ĩaasio naalĩ atalamile uudobũ wa unkũmbigyulu kunzĩla ya kumumana ũShekulu nuMugũni wĩĩtu Yesu Kilisito, paapo kanga aguĩligue kangĩ nukwidulua, uwikyaalĩ waao wa mpelo witũla ubĩĩ kwikĩla uwaasio wa muandio.

Ĩpa naigyelela anakĩdagu a ulongo pakatĩ ya antu, kĩna iio kunsiani naikitũla amania a ulongo naikiingĩlia kukĩmpisĩ-mpisĩ uumanigua wa kulimĩĩlia, ĩakumukaana sunga ũShekulu naalĩ waakomuĩle, ĩakĩleetela uoonooneki kuukaaũ.