Popular Bible Verses from 2 Akolinto 1

Share

Nwakuligue uNzua, Tata wa kĩShekulu wĩĩtu Yesu Kilisito, Tata wa kĩsuusu, uNzua wipyumbulio tũlũ, nukukupumbulagiaa munzago zĩĩtu tũlũ zensi, itĩ kusũũmigue kukuapumbulia naĩĩlĩ munzago za matũmpĩ mensi, kumapumbulio nakuapumbuligue nuNzua.

Kuitĩ kĩna uwaagi wa kĩKilisito wĩongelĩĩle kunsĩĩtu, iio-iioo nipyumbuliio liĩtu lioongelĩĩle kunzĩla ya kĩKilisito.

Eeze, ishie undiishie alĩ kuĩlĩ muulamulua wa kukia koona kuleke kĩsania, ĩpa kumusanie uNzua nukũiukagiaa ĩakiu

Kuitĩ uyo nukukukamĩnkĩĩlagiaa palumuĩ nininiie mwa kĩKilisito, nukukukupaka ĩmakũta iingĩ uNzua; nduyo nukukuĩĩkĩla umuntozo nukupeela ĩkĩĩĩkĩĩlo kya kĩMuauu munkolo zĩĩtu.

Ĩpa gua, malĩĩ ishie ĩkuĩlĩ munzago, ingĩ kunsooko ipyumbulio liani nuugũnua waani; kanga yĩĩ kuapumbuligue, ingĩ kuunsooko ipyumubulio liani nalikĩtumaa umulĩmo waakue kuugigimĩlia wa waagii uo-uuoo nakukuagagigua nindiishie.