Popular Bible Verses from Waroma 8

Share

Na soe luichi kye shindonyi shoose Ruwa nekyeṟunda hamwi na walya wamkundi kyiiṙi kya iwanenga mecha, kyimwi na igamba soe luwalage chandu Ruwa akundi.

Cha kyipfa ngammanya kui wuloi kye, maa upfu, maa moo, maa malaika, maa wawoṙe wuchilyi, maa shikyeri pfo, maa shilya shechiwa pfo, maa wawoṙe wuiṙimi, maa shikyeri wuye, maa shikyeri wanda, maa kyindo kyingyi kyoose kyikyigumbe kyechiiṙima iluletsana na ikunda lya Ruwa lyikyeri kyiiṙi kya Kristo Yesu Mndumii oṙu-pfo.

Na wuṙo Mumuyo na oe nekyelutarama wufofo woṙu, kyipfa luichi iterewa chandu kyiluwaṟi-pfo; indi Mumuyo amonyi nekyeluterewia kui isumkyia lyilechiiṙima isendo.

Kyasia lugambe kyi kyipfa kya isho? Ruwa akyeri ura loṙu, nyi wui eiṙima iluwutia kyindo kyiwicho?

Kyasia-ng'u, wulalu, kuwoṙe ianduyo lya ngapo ko iwo wakyeri kyiiṙi kya Kristo Yesu-pfo.

Cha kyipfa kyindo mmbiu ukundi nyi upfu; indi kyindo mrima ukundi nyi moo na ufoṟo.

Kyaindi kyiiṙi kya mbonyi-tso tsoose luiwinga, na ngoseṟa ya iwinga, kui ulya alelukunda!

Cha kyipfa ngyitala matuuro ga kyiyeri-kyi kya wulalu kye chi kyindo cha mng'ano ulya ochiloṟo koṙu-pfo.

Nyi wui echiluletsana na ikunda lya Kristo? Ngyesa nyi fowa, ang'u wukyiwa, ang'u kyiwi, ang'u njaa, ang'u iwuṟa nguo, ang'u ndenga, ang'u ushu?

Na oe ai moruwa-ruwa mrima, naichi kyilya Mumuyo akundi cha kyipfa nekyeterewia wandu wa Ruwa chandu Ruwa akundi.

Cha kyipfa woose wekyesongoyo nyi Mumuyo o Ruwa, iwo nyiwo wana wa Ruwa.

Cha kyipfa walya wekyeosha mmbiu wekyekusaṟa mbonyi tsa mmbiu; indi walya wekyeosha mrima wekyekusaṟa mbonyi tsa mrima.

Ulya alalelekyia Mono-kye amonyi, indi kammbuta kyipfa kyaṙu soe loose nechilemo kuṙa iluenenga necha shindo shoose hamwi na oe?

Mumuyo oe amonyi nekyeṟingyishia hamwi na mrima yaṙu, kye soe nyi wana wa Ruwa. Na kokooya soe nyi wana, kyasia, soe nyi weoṟa mboṟa tsa Ruwa, wekyeoṟa hamwi na Kristo. Yee, lochituuro hamwi na oe kundu luweiṙima ing'anyiso hamwi na oe.

Cha kyipfa kyilya mmbiu ukundi nyi kyituwa ko Ruwa, kyipfa kyekyeindia iwawaso lya Ruwa-pfo, maa kyeiṙima ilyiindia-pfo.

Cha kyipfa shigumbe shoose shiweṙelyia kui sia ing'anyi iloṟo lya wana wa Ruwa.

Cha kyipfa luichi kye shigumbe shoose taa shiwawio handu hamwi, nasho shiwoṙe fowa cha ya mndu mka aienengo mana handu hamwi maa wulalu.