Popular Bible Verses from Waroma 5

Share

Indi Ruwa naloṟa ikunda lyakye oe amonyi koṙu soe, kyipfa Kristo nalepfa kyipfa kyaṙu, kyiyeri luwei wanyamaṟi.

Na ikusuria lyekyeende sonu-pfo; cha kyipfa ikunda lya Ruwa lyamletsio mrimenyi koṙu kui Mumuyo Mweele luleenengo soe.

Maa chi wuṙo tikyi-pfo, indi luchihiyo taa ngyuukyiwenyi; luichi kye wukyiwa, iṟunda lyakye nyi iende wusimiri. Na iṟunda lya wusimiri nyi ikarisho lya mrima. Na iṟunda lya ikarisho lya mrima nyi ikusuria.

Kyasia lukomtalyio wusumganyi uwukyie iiṙikyienyi luwaṙe ufoṟo na Ruwa, kui njia ya Mndumii oṙu Yesu Kristo. Ulya kui oe lulewona kui njia ya iiṙikyia ikooya isaṟia-lyi lugoṟokyi kyiiṙi kyalyo; na ichihiyo ikusurienyi lya mng'ano o Ruwa.

Cha kyipfa kyiyeri kyilya lulawewoṙe pfinya, ilyi kyiyeri kyileafukyia, Kristo nalepfa kyipfa kya wanyamaṟi.

Kyasia ngoseṟa mnu lukomtalyio wusumganyi samunyi yakye, nelushingyia lulaolokyio nyi nyashi ya Ruwa.

Kyipfa kokooya kui inyamaṟa lya mndu umwi wandu wafoi walewiko wandunyi wawoṙe wunyamaṟi, na wuṙo kui iindia lya mndu umwi wandu wafoi wechisanzio kyiiṙi kya wawoṙe wusumganyi.

Maa chi wuṙo tikyi-pfo, indi na ichihiyo kyiiṙi kya Ruwa kui Mndumii oṙu Yesu Kristo, ulya kui oe wulalu loambilyia isanzo-lyo.