Popular Bible Verses from Waroma 12

Share

Maa mulaoshe mbaṟe ya wuyana-wu; indi mugalukye kundu Ruwa naiṙime igaluo makusaṟo ganyu. Iho nyi lyo-ndu moiṙima imanya kyilya Ruwa akundi, imanya kyilya kyii kyicha, kyemchihiṟa na kyikyiafutsie.

Kyasia, wana wa wama wako, ngyimuterewa, kui ihooṟia lya Ruwa, wutenyi mmbiu yanyu iwe kyiṙaso kyiwoṙe moo, kyiele, kyechihiṟa Ruwa, ilyi nyilyo iindia na iterewa Ruwa lyilyicha na lya loi.

Kui ikusuria, mochichihiyo; fowenyi, mochiweṙelyia; kyiiṙi kya iterewa, kyiyeri kyoose.

Wuwicho wulakuwingye, indi uwingye wuwicho kui wucha.

Kui ikunda lya mono-wama, mukundane nyoe wenyi ko wenyi; kui kyiṟumi mochisongoṟa woṙianyu.

Ikunda lyilawaṙe wukulembecheṟi. Suonyi kyikyeri kyiwicho, oshanenyi na kyikyeri kyicha.

Kokooya kyechiwa, ko ura lonyu, mukae ufoṟonyi na wandu woose.

Wakunde, maa mulatae kyiṟaache, indi seiyenyi nyashi ya Ruwa; kyipfa kyikyiṟeie, “Kyiṟaache nyi kyako inyi; inyi ngyetaa,” Mndumii nagamba.

Kui wuragari, chi waṙoko-pfo, muwoṙe wuragari mrimenyi konyu; mochiṟundia Ruwa.

Cha kyipfa kui isaṟia ngyileenengo ngyiwia orio mndu akyeri konyu alakusurie kyindo kya ngoseṟa kuta chandu awaṟi ikusuria; indi nawaṙe meena chandu Ruwa agawie orio mndu meena o iiṙikyia.

Maa mulatae mndu wuwicho ko wuwicho. Ṟundenyi shindo shicha mbele ya wandu woose.

Muiṙikyiane shilya mukusurie nyoe wenyi ko wenyi. Maa mulakusurie shindo shing'anyi, indi muiṙikyie iwinisho nyi mbonyi tsifofo. Maa mulakushelyie wuṟango.

Kyaindi, mokyituwa opfo awoṙo nyi njaa, mwenengye kyelya; amwangari, mwenengye kyindo kyenyo; kyipfa kowuta kuṙo, nowika makaa ga moṙo mṙoenyi kokye.

Wikyienyi mboṟa walya waimsuiṟa; wikyienyi mboṟa, maa mulasese. Chihiyonyi hamwi na iwo waichihiyo; fiiṟenyi hamwi na walya waifiiṟa.

Mochitarama wandu wa Ruwa shilya wakundi; kui iambilyia wayenu, mochipfuṟukana.

Kyipfa chandu mmbiunyi umwi luwoṙe shiwungo shifoi, maa shiwungo shoose shekyeṟunda iṟunda lyimwi-pfo; na wuṙo na soe chandu lukyeri wafoi lukyeri mmbiu umwi kyiiṙi kya Kristo, na shiwungo, orio umwi ko oṙoe.