Popular Bible Verses from Waroma 10

Share

Cha kyipfa, koṟingyishia Yesu kui ṙumbu lyapfo kye nyi Mndumii, na iiṙikyia mrimenyi kopfo kye Ruwa nalemṟutsa ko wapfu, nochikyiṟo.

Cha kyipfa kui mrima mndu nekyeiṙikyia mṟasa kawona wusumganyi, na kui ṙumbu nekyeṟingyishia kawona wukyiṟo.

Kyasia iiṙikyia lyekyecha kui kyilya mndu aiicho; na kyilya mndu aiicho kyekyecha kui ionguo Ṙeṙo lya Kristo.

Cha kyipfa kyiṟeio kyagamba, “Orio momwiṙikyia echiwona sonu-pfo.” Cha kyipfa kuwoṙe mbaṟe ingyi ko Myuda na Mkyiṟikyi-pfo, kyipfa oe nyi Mndumii o woose, awoṙe wunjama ko woose wekyemlaga; kyipfa orio mndu echilaga rina lya Mndumii nechikyiṟo.

Lyingyi-se weonguo mbonyi kuṙa walawaṙume? Chandu kyikyiṟeie, “Gamecha cha kyikyi maṙende ga iwo wekyeonguo mbonyi tsa mecha.”

Kyasia wamlage kuṙa icho walamwiṙikyie? Lyingyi-se wamwiṙikyie kuṙa icho walandemwicho? Lyingyi-se wamwicho kuṙa icho kulawoṙe moonguo mbonyi?

Cha kyipfa Kristo amche kuwoṙe-se kyimaṙuma kya uwawaso-pfo; kundu orio aiṙikyie natalyio wusumganyi.