Popular Bible Verses from Jo-Rumi 8

Share

Wang’eyo ni Nyasaye omiyo gik moko duto tiyo kaachiel mondo joma ohere oyud gueth. Jogo gin joma oseluongo kaka odwaro.

nimar ang’eyo malong’o ni onge gima nyalo pogowa gi hera ma oherowago, bed ni en tho kata ngima, kata malaika kata joloch mag polo, kata gik manie wiwa malo kata gik manie bwowa piny, kata gimoro amora manadi mochue. Adier, onge gima nyalo pogowa gi hera mar Nyasaye, moherowago kuom Kristo Yesu Ruodhwa.

Mano e kaka Roho bende konyowa e nyawowa, nikech ok wang’eyo kaka owinjore walem. To Roho owuon kwayonwa Nyasaye, kachur gi chur ma weche dhano ok nyal wacho

To koro dwawach ang’o kuom wechego duto? Ka Nyasaye ni kodwa, to ere gima dwaluor, kata ka ng’ato obedo jasikwa?

Mano emomiyo koro onge bura kuom jogo man kuom Kristo Yesu

to joma timo gik ma Roho dwaro, paro mana weche mag Roho, kendo mano kelo ngima kod kue.

To kata kamano, waloyo gigo duto chutho, nikech teko mar Jal mane oherowa

To aneno ni masira mwaneno ndalogi tin, kipimo gi duong’ mapok oel mwabiro yudo.

Ang’o ma dipogwa gi hera ma Kristo oherowago? Dobed masira, koso chandruok, koso sand, koso kech, koso duk, koso himruok, koso tho?

kendo Nyasaye ma nono chuny dhano ong’eyo gima Roho kwayo, nikech okwayo ni jo-Nyasaye e yo ma Nyasaye oyiego.

Ji duto ma Roho mar Nyasaye otelonigi gin nyithind Nyasaye.

Joma timo gik ma ngima mar dhano dwaro, paro mana weche mag dhano, kendo mano kelo tho

Nyasaye ne ok otimo migundia kuom Wuode owuon, to ne ochiwe mi otho nikech wan duto. To kane ochiwo Wuode kamano, to ere kaka dotamre miyowa gik moko duto mogundho?

Roho owuon oriwore gi chunywa kanyisowa ni wan nyithind Nyasaye. To ka wan nyithind Nyasaye kamano, to wayudo mich ma osesingorenwa bende. Adier, wayudo michgo kaachiel gi Kristo! Chutho, ka wayie neno masira kode, to wanayud duong’ kode bende.

Ng’at ma paro mana weche mag dhano mon gi Nyasaye, nikech ok orito Chik Nyasaye. Adier, ok onyal rite.

Gik moko duto mochue rito kogeno ahinya mondo Nyasaye omi nyithinde ofwenyre.

Wang’eyo ni nyaka chil kawuono gik mochue duto chur, kendo neno rem mana ka dhako ma muoch kayo.