Popular Bible Verses from Jo-Rumi 4

Share

Ne pod ogeno agena singruok mar Nyasaye ma ok oriwo gi kiawa. Yie mare nopong’ gi teko, mi omiyo Nyasaye duong’, ka en gi ratiro ni Nyasaye nigi teko mar timo gima ne osesingore ni notim.

mana kaka Muma wacho niya, “Aseketi wuon ogendini mang’eny.” Kuom mano, singruok nigi teko e nyim Nyasaye mane Ibrahim oyie kuome. En e Nyasaye machiero joma otho, kendo ma gima owacho miyo gik maonge betie.

Yesu ema ne ochiw mi otho nikech richowa, to ne ochiere mondo wabedi e winjruok gi Nyasaye.

Ibrahim noyie kendo nogeno agena, kata obedo ni gima dine mi ogen kamano ne onge! Mano omiyo nodoko wuon ogendini mathoth, mana kaka Muma wacho ni, “Nyikwayi nobed mana mathoth kamano.”

Gimomiyo yie nyaka bedie en ni mondo gik moko duto oyud nono kuom ng’wono, kendo singruok obed gi teko ni koth Ibrahim duto, ok mana ni joma rito Chik kende, to bende ni mago ma oyie mana kaka Ibrahim e wuonwa waduto

“Mano kaka joma Nyasaye oseweyonigi kethogi, kendo orucho richogi, gin johawi! Adier, ng’at ma Ruoth ok kwan ka jaricho en jahawi!”

nikech Muma wacho niya, “Ibrahim noyie kuom Nyasaye, mi yieneno ema ne omiyo Nyasaye okwane ni en ng’ama kare.”