Popular Bible Verses from Fweny 5

Share

Ne giwero wer manyien niya “In ema iwinjori kawo kitabuni, mi iketh kido modinego, nikech in ema ne onegi kendo rembi ema ne ing’iewogo ni Nyasaye ji moa e dhoudi duto kendo mawacho dhok duto, kendo moa e ogendini duto kod pinje duto.

Ne giwer matek niya, “Nyarombo mane onegi owinjore yud teko gi mwandu gi rieko gi loch kod luor gi duong’ kod pak!”

Ne itimogi oganda joka ruoth matiyo ni Nyasachwa kaka jodolo, kendo ginibed jotend piny.”

Bende ne awinjo ka gik manie polo gi manie piny kendo manie bwo piny kod manie pi, tiende ni gik moko duto mochue, kawacho niya, “Pak gi luor gi duong’ kod loch obed ni Jal mobet e kom duong’, kendo obed ni Nyarombo nyaka chieng’!”

To ng’at achiel kuom jodongogo nokona niya, “We ywak, nikech Sibuor moa e dhood Juda, ma nyakwar Daudi, ema oselocho! Emomiyo en gi ratiro mar ketho kido abiriyogo, mi oel kitabuno.”