Popular Bible Verses from Fweny 11

Share

Eka malaika mar abiriyo nogoyo tung’ne, kendo dwol moko nokok matek e polo kawacho niya, “Loch mar pinyni koro osedoko mar Ruodhwa kod Mesia mare, kendo obiro locho nyaka chieng’.”

Mirima nomako ogendini, to koro chieng’ mirimbi iwuon osechopo. Kinde osechopo ma iyaloe joma otho, kendo ichiwoe pok ni jotichni ma jonabi, kod jogi, kaachiel gi ji duto madongo gi matindo moluoro nyingi. En kinde mitiekoe jogo maketho piny.”

To abiro miyo jonenona ariyo teko. Ginirwakre gi gunia, kendo ginihul wach moa kuom Nyasaye kuom ndalo alufu achiel gi mia ariyo kod piero auchiel.”

To bang’ ndalo adek gi nusgo muya mar ngima moa kuom Nyasaye nodonjo kuomgi, mi gichung’ gi tiendegi. Kibaji maduong’ nomako joma ne onenogi!

Gin gi teko mar loro polo mondo koth kik chue e ndalo ma gihuloe wach. Bende gin gi teko mar loko pige doko remo, kendo gin gi teko mar kelo tuoche mopogore opogore e piny e kinde akinda ma gidwaro.

Joneno ariyogo gin yien ariyo mag zeituni, kendo gin teyni ariyo mochung’ e nyim Ruodh piny ngima. Ka wasikgi dwaro hinyogi, to mach wuok e dhogi kendo tiekogi. Mano e tho ma ng’ato ang’ata madwaro hinyogi nyaka thogo.