Popular Bible Verses from Kwan 14

Share

To kik uwe Ruoth Nyasaye, bende kik uluor jopinyno, nimar wabiro mwonyogi amwonya. Tipo ma nyocha ogeng’ogi osea, to wan, Ruoth Nyasaye ni kodwa, omiyo kik uluorgi.”

‘Ruoth Nyasaye ok kech piyo, kendo onyiso herane mosiko, koweyo ni ji kethogi gi richogi, to kata kamano ok okwan jaketho ka ng’ama ler, to okumo nyithindo nyaka tieng’ mar adek kod mar ang’wen nikech richo kweregi.’

Ka Ruoth Nyasaye mor kodwa, to obiro terowa e piny maber kendo momewno, mi omiwago.

To jatichna Kaleb ema osebedo gi chuny maber, nimar oseluwa gi chunye duto. Kuom mano abiro kele e piny mane osedhiye, mi nyikwaye nokaw. En piny pap, ma jo-Amalek kod jo-Kanaan odakie.

Wachnigi ni awacho kakuong’ora ni, Kaka antie, abiro chopo mana weche ma asewinjo kuwacho.

Ruoth Nyasaye nowacho ni Musa niya, “Jogi biro chaya kamano nyaka karang’o? Pod gibiro tamore gena marom nadi, to eka asetimonigi ranyisi mang’eny?

Giduto ne ging’ur ni Musa gi Harun, ka giwacho niya, “Mad ne watho e piny Misri, kata e thimni!

to Joshua wuod Nun kod Kaleb wuod Jefune, mane gin ji ariyo kuom joma nochengo piny Kanaan, noyiecho lepgi, mi owacho ni oganda duto niya, “Piny mane wadonjoe kendo wachengono en piny maber sidang’.

To kaka antie, kendo kaka duong’na nopong’ piny duto, akuong’ora ni onge kata mana ng’at achiel kuom joma oseneno duong’na kod honni mane atimo e piny Misri kendo e thim ma none piny mane asingora ni nami kweregi. Gisetema kendo gisetamore winja nyadipar, omiyo onge kata ng’at achiel kuom joma nochayago ma none pinyno.