Popular Bible Verses from Mariko 6

Share

Ne oyudo ji biro kendo wuok mang’eny ahinya, ma Yesu gi jootene ok nyal yudo thuolo kata mana mar chiemo. Omiyo nowacho ni jootene niya, “Wadhiuru kamoro ma wanyalo betie kar kendwa, mondo uyudie yeyo matin.”

To Yesu nowachonigi niya, “Janabi imiyo duong’ kuonde duto, mak mana jogweng’gi gi wedene kod joodgi ema ochaye.”

Kane Yesu ochopo, mi owuok e yie, noneno oganda maduong’no, mi okechogi, nimar ne gichalo rombe ma onge jakwath. Kuom mano, nopuonjogi weche mang’eny.

Ne ok onyal timo honni kuno, mak mana ni noketo lwete kuom jomoko manok, mochango. To nowuoro ahinya kane oneno kaka gionge gi yie!

Yesu nokawo makati abich gi rech ariyogo, mong’iyo malo, kendo oguedhogi. Eka nong’ingo makati go, momiyo jopuonjrene mondo opog ni ji. Rech ariyogo bende ne opogonigi duto, mi ji duto nochiemo, moyieng’. Bang’e ne okwany ng’injo mag makati gi rech, mi opong’o aditni apar gariyo.